Oralda sot sheshimin oryndamaǵan ákimdik jazalandy, - dep habarlaidy Dalanews.kz.
Sebebi qalalyq ákimdik Oral qalasynyń 15 turǵynyna baý-baqsha seriktestiginen jer telimin berýden bas tartqan. Olar bul sheshimge kelispei, MAÁS-ǵa 2 talap qoiý túsirgen.
1 is boiynsha sot mynany anyqtady:
- ýchaskeler qala sheginde ornalasqan jáne eldi meken jerlerine tiesili bolǵan;
- baý-baqsha seriktestikterindegi talap qoiýqylar jer telimderin kútip-baptaý jáne múshelik jarnalardy tóleý aýyrtpalyǵyn kóterdi jáne kóteredi.
Sot baý-baqsha JShS-de jer ýchaskeleriniń shekarasynyń bolmaýy talap qoiýshylardyń ýchaskelerge menshik quqyǵyn alý quqyqtaryn júzege asyrýyna eshbir jaǵdaida kedergi keltirmeidi dep sanady. Sondyqtan 7 talap qoiýshynyń talap qoiýlary tolyq qanaǵattandyrylyp, óz tarapynan ákimdiktiń qaýlysy zańsyz dep tanyldy.
Sot ákimdikke sot sheshimi zańdy kúshine engen kúnnen bastap 10 jumys kúni ishinde talap qoiýshylardyń buzylǵan quqyqtaryn qalpyna keltirip, jer telimderin berýdi mindettedi.
2-shi is materialdary boiynsha, eki talap qoiýshy ýaqytsha óteýli qysqa merzimdi jer paidalaný quqyǵymen jer telimderin ielenedi. Bul ýchaskelerde tirkelgen ǵimarattar ornalasqan.
Sot anyqtaǵan istiń mán-jaiynan shyǵatyny, bul eki talap qoiýshy jańa aýyl sharýashylyǵy jer telimderin emes, olarǵa buryn berilgen, t.b. naqty menshigindegilerdi talap etip otyr. Sondyqtan sot bul eki talap qoiýshynyń talaptaryn qanaǵattandyryp, ákimdikke aryzdaryn qaita qaraýdy mindettedi. Qalǵan 6 talap qoiýshynyń talaptary qanaǵattandyrýsyz qaldyryldy. Eki sot sheshimi de zańdy kúshine endi.
Alaida, ákimdik (jaýapker) sot sheshimderin ýaqytynda oryndamaǵan. ÁRPK-niń 127-babyna sáikes ol protsestik májbúrleý sharasyna – aqshalai aiyppul salýǵa ákep soǵady. MAÁS-y tarapynan sot sheshimderin oryndamaǵany úshin Oral qalasynyń ákimine árbir is boiynsha 369 myń teńgege jýyq aqshalai (50 AEK) aiyppul salyndy.
Biraq, salynǵan aqshalai jazaǵa qaramastan, jaýapker ekinshi ákimshilik is boiynsha sot sheshimin oryndamaǵan. Osyǵan orai, ákimdikke 221 myń teńge (60 AEK) kóleminde qaitalap aqshalai aiyppul salyndy. Sot qaýlylary zańdy kúshine engen joq.
