دۋبايدان تەل-اۆيۆكە بەت العان Flydubai ەۋە كومپانيياسىنىڭ Boeing 737 ۇشاعى تٶتەنشە جاعداي تۋرالى بەلگٸ بەرٸپ, باعىتىن ٶزگەرتۋگە مەجبٷر بولدى, دەپ حابارلايدى dalanews.kz.
ەۋە رەيستەرٸن باقىلاۋ سەرۆيستەرٸنٸڭ دەرەگٸنشە, ەكيپاج الدىمەن ترانسپوندەر ارقىلى ۇشاقتىڭ زاڭسىز باسىپ الىنۋى مٷمكٸن ەكەنٸن بٸلدٸرەتٸن 7500 كودىن جٸبەرگەن. كەيٸن ول جالپى تٶتەنشە جاعداي كەزٸندە قولدانىلاتىن 7700 كودىنا اۋىستىرىلعان.
وسىدان كەيٸن لاينەر شامامەن 4,6 مىڭ مەتر بيٸكتٸكتەن 1,5 مىڭ مەترگە دەيٸن تٶمەندەپ, يوردانييا ەۋە كەڭٸستٸگٸنە كٸرەر الدىندا باعىتىن ٶزگەرتكەن. بٸر مەزەتتە ۇشاق راداردان كٶرٸنبەي قالعانىمەن, كٶپ ۇزاماي قايتادان باقىلاۋ جٷيەسٸندە پايدا بولدى.
شەتەلدٸك اقپارات قۇرالدارىنىڭ حابارلاۋىنشا, بورتتا 170-تەن استام جولاۋشى بولعان. تٶتەنشە بەلگٸدەن كەيٸن ۇشاق ساۋد ارابيياسىنا باعىتتالدى. يزرايل تاراپى جاعدايعا بايلانىستى ەسكەري ۇشاقتاردى ەۋەگە كٶتەرگەن. ەل پرەمەر-مينيسترٸ بينيامين نەتانياحۋ قاۋٸپسٸزدٸك قىزمەتٸنٸڭ ٶكٸلدەرٸمەن شۇعىل كەڭەس ٶتكٸزدٸ.
