Dýbaidan Tel-Avivke bet alǵan Flydubai áýe kompaniiasynyń Boeing 737 ushaǵy tótenshe jaǵdai týraly belgi berip, baǵytyn ózgertýge májbúr boldy, dep habarlaidy dalanews.kz.
Áýe reisterin baqylaý servisteriniń dereginshe, ekipaj aldymen transponder arqyly ushaqtyń zańsyz basyp alynýy múmkin ekenin bildiretin 7500 kodyn jibergen. Keiin ol jalpy tótenshe jaǵdai kezinde qoldanylatyn 7700 kodyna aýystyrylǵan.
Osydan keiin lainer shamamen 4,6 myń metr biiktikten 1,5 myń metrge deiin tómendep, Iordaniia áýe keńistigine kirer aldynda baǵytyn ózgertken. Bir mezette ushaq radardan kórinbei qalǵanymen, kóp uzamai qaitadan baqylaý júiesinde paida boldy.
Sheteldik aqparat quraldarynyń habarlaýynsha, bortta 170-ten astam jolaýshy bolǵan. Tótenshe belgiden keiin ushaq Saýd Arabiiasyna baǵyttaldy. Izrail tarapy jaǵdaiǵa bailanysty áskeri ushaqtardy áýege kótergen. El premer-ministri Biniamin Netaniahý qaýipsizdik qyzmetiniń ókilderimen shuǵyl keńes ótkizdi.
