پاۆلودار وبلىسىندا 779 ازامات تۇرعىن ٷي كەزەگٸنە قايتا قويىلدى, دەپ حابارلايدى dalanews.kz.
پاۆلودار وبلىسىندا تۇرعىن ٷي كەزەگٸنەن زاڭسىز شىعارىلعان 779 ازاماتتىڭ قۇقىعى قالپىنا كەلتٸرٸلدٸ. بۇل تۋرالى وبلىستىق پروكۋراتۋرا مەلٸمدەدٸ. ەلەۋمەتتٸك وسال توپقا جاتاتىن ازاماتتار تۇرعىن ٷيگە مۇقتاجدار ەسەبٸنەن نەگٸزسٸز شىعارىلعان. بۇعان جەرگٸلٸكتٸ اتقارۋشى ورگاننىڭ تۇرعىن ٷي زاڭناماسىن دۇرىس قولدانباۋى سەبەپ بولعان.
پروكۋراتۋرانىڭ ارالاسۋىنان كەيٸن 779 ازامات تۇرعىن ٷي كەزەگٸنە باستاپقى ەسەپكە قويىلعان كٷنٸنەن باستاپ قايتا ەنگٸزٸلدٸ. ەلەكترون بازاعا ٶزگەرٸستەر ەنگٸزٸلدٸ.
شارباقتى اۋدانىندا دا زاڭبۇزۋشىلىقتار انىقتالعان. مۇندا جەتٸم بالالار مەن اتا-اناسىنىڭ قامقورلىعىنسىز قالعان بالالاردى تۇرعىن ٷي كەزەگٸنە ۋاقىتىندا قويماعان.
مىسالى, اتا-اناسىنىڭ قامقورلىعىنسىز قالعان ەكٸ اپالى-سٸڭلٸلٸ 2025 جىلعى شٸلدەدە تۇرعىن ٷي كەزەگٸنە تۇرۋعا قۇقىلى بولعان. الايدا ولار ەسەپكە بٸر جىلدان كەيٸن عانا قويىلعان. وسىنداي جاعداي تاعى 16 بالادان انىقتالعان.
سونىمەن قاتار, 2017 جىلدان بەرٸ تۇرعىن ٷي كەزەگٸندە تۇرعان جەتٸم بالا دا زاڭسىز تٷردە ەسەپتەن شىعارىلعان. زاڭ بويىنشا جەتٸم بالالار مەن اتا-اناسىنىڭ قامقورلىعىنسىز قالعان بالالار تۇرعىن ٷي العانعا دەيٸن كەزەكتەن شىعارىلماۋى كەرەك.
