Pavlodar oblysynda 779 azamat turǵyn úi kezegine qaita qoiyldy, dep habarlaidy dalanews.kz.
Pavlodar oblysynda turǵyn úi kezeginen zańsyz shyǵarylǵan 779 azamattyń quqyǵy qalpyna keltirildi. Bul týraly oblystyq prokýratýra málimdedi. Áleýmettik osal topqa jatatyn azamattar turǵyn úige muqtajdar esebinen negizsiz shyǵarylǵan. Buǵan jergilikti atqarýshy organnyń turǵyn úi zańnamasyn durys qoldanbaýy sebep bolǵan.
Prokýratýranyń aralasýynan keiin 779 azamat turǵyn úi kezegine bastapqy esepke qoiylǵan kúninen bastap qaita engizildi. Elektron bazaǵa ózgerister engizildi.
Sharbaqty aýdanynda da zańbuzýshylyqtar anyqtalǵan. Munda jetim balalar men ata-anasynyń qamqorlyǵynsyz qalǵan balalardy turǵyn úi kezegine ýaqytynda qoimaǵan.
Mysaly, ata-anasynyń qamqorlyǵynsyz qalǵan eki apaly-sińlili 2025 jylǵy shildede turǵyn úi kezegine turýǵa quqyly bolǵan. Alaida olar esepke bir jyldan keiin ǵana qoiylǵan. Osyndai jaǵdai taǵy 16 baladan anyqtalǵan.
Sonymen qatar, 2017 jyldan beri turǵyn úi kezeginde turǵan jetim bala da zańsyz túrde esepten shyǵarylǵan. Zań boiynsha jetim balalar men ata-anasynyń qamqorlyǵynsyz qalǵan balalar turǵyn úi alǵanǵa deiin kezekten shyǵarylmaýy kerek.
