اتىراۋ وبلىسىندا پوليتسييا موتوتسيكل تٸزگٸندەگەن جاسٶسپٸرٸمدٸ باسىپ كەتكەن وقيعاعا قاتىستى سوت ٷكٸمٸ شىقتى, - دەپ حابارلايدى Dalanews.kz.
اتىراۋ وبلىسىنىڭ قىزىلقوعا اۋداندىق سوتىندا ابايسىزدا ادام ٶلٸمٸنە ەكەپ سوققان جول قوزعالىسى ەرەجەلەرٸن بۇزعانى ٷشٸن ايىپتالعانعا قاتىستى قىلمىستىق ٸس قارالدى. (قك-تٸڭ 345-بابىنىڭ 3-بٶلٸگٸ.)
"قىزىلقوعا اۋدانى پوليتسييا بٶلٸمٸ پاترۋلدٸك پوليتسييا توبىنىڭ ينسپەكتورى قىزمەتتٸك اۆتوكٶلٸكپەن ەرٸپتەسٸ ەكەۋٸ پاترۋلدٸك قىزمەتتەرٸن اتقارۋ بارىسىندا جاسى كەمەلەتكە تولماعاننىڭ باسقارۋىنداعى موتوتسيكلدٸڭ ارتىندا جاسى كەمەلەتكە تولماعان ەكٸ جولاۋشى بار كٷيدە جٷرگەنٸن انىقتاپ, دىبىس بەلگٸسٸ ارقىلى توقتاۋدى تالاپ ەتكەن. الايدا جاسى كەمەلەتكە تولماعان جٷرگٸزۋشٸ پوليتسييا قىزمەتكەرٸنٸڭ زاڭدى تالاپتارىنا باعىنباي, قوزعالىسىن جالعاستىرعان.
سوتتالۋشى ونى قۋدالاپ كەلە جاتىرعاندا, جاسى كەمەلەتكە تولماعان جول جٷرٸسٸ قاعيدالارىن بۇزۋشى قارا جەرگە شىعىپ كەتٸپ, موتوتسيكلدٸڭ باسقارۋ جٷيەسٸن يگەرە الماي, جەرگە قۇلاعان. سول كەزدە ينسپەكتور قاۋٸپسٸزدٸك شارالارىن قولدانباي, جول جٷرٸسٸ قاعيدالارىن ٶرەسكەل بۇزىپ, جاسى كەمەلەتكە تولماعاندى قاعىپ كەتكەن, نەتيجەسٸندە ول وقيعا ورنىندا ەسٸن جيماستان قازا بولعان", - دەپ جازىلعان سوت حابارلاماسىندا.
پروكۋرور سوتتالۋشىنى 2 جىل 6 اي مەرزٸمگە باس بوستاندىعىنان ايىرۋدى سۇرادى. جەبٸرلەنۋشٸ ٶكٸلٸ زاڭعا ساي جازا قولدانۋدى سۇرادى. سوتتالۋشى ٶز كٸنەسٸن مويىندادى.
سوتتالۋشىنىڭ شىن جٷرەكتەن ٶكٸنۋٸ, اسىراۋىندا جاسى كەمەلەتكە تولماعان بالالارىنىڭ بولۋى, بۇرىن سوتتالماعانى - جازا مەن قىلمىستىق جاۋاپكەرشٸلٸكتٸ جەڭٸلدەتەتٸن مەن-جايلار رەتٸندە تانىلدى. اۋىرلاتاتىن مەن-جايلار انىقتالمادى.
سوتتالۋشى قك-تٸڭ 345-بابىنىڭ 3-بٶلٸگٸمەن كٸنەلٸ دەپ تانىلىپ, وعان 5 جىل مەرزٸمگە كٶلٸك قۇرالدارىن باسقارۋ قۇقىعىنان ايىرا وتىرىپ, 2 جىل مەرزٸمگە باس بوستاندىعىنان ايىرۋ جازاسى تاعايىندالدى. ازاماتتىق تالاپ ٸشٸنارا قاناعاتتاندىرىلدى. سوت ٷكٸمٸ زاڭدى كٷشٸنە ەنگەن جوق.
ايتا كەتەيٸك, وقيعا بيىل سەۋٸردە بولعان ەدٸ.
