ءىرى ساۋدا جەلىلەرىنىڭ جانە سۋپەرماركەتتەردىڭ سورەلەرىندە كيىك ەتى پايدا بولۋى مۇمكىن. بۇل تۋرالى ۇكىمەتتەگى بريفينگتە اۋىل شارۋاشىلىعى ۆيسە-مينيسترى امانعالي بەردالين مالىمدەدى، دەپ حابارلايدى Dalanews.kz
بەرداليننىڭ ايتۋىنشا، اقبوكەن ەتىن ساتۋ قازىرگى كەزدە شەكتەلمەگەن.
«كيىك سانىن رەتتەۋ ماسەلەسىمەن ەكولوگيا مينيسترلىگى اينالىسادى. ءبىز ءوز تاراپىمىزدان سويۋ پۋنكتتەرىن جانە ۆەتەريناريالىق تالاپتاردىڭ ساقتالۋىن باقىلايمىز. بۇگىندە ساتۋعا ەشقانداي شەكتەۋ قويىلعان جوق – ول تەك اۋرۋ انىقتالعان جاعدايدا عانا ەنگىزىلەدى. ءقازىر ونداي جاعداي جوق، سوندىقتان ەت ەركىن ساتىلادى»، – دەپ ءتۇسىندىردى ۆيسە-مينيستر.
