قازاقستاننىڭ ۇلتتىق قاۋٸپسٸزدٸك كوميتەتٸ داۋلەت سارمانباەۆتى ٸزدەۋ جارييالاعان. الايدا ۋكراينالىق «حوچۋ جيت» جوباسىنىڭ دەرەكتەرٸ بويىنشا, ول ۋكرايناداعى سوعىستا قازا تاپقان, دەپ حابارلايدى Dalanews.kz Nege.kz-كە سٸلتەمە جاساپ.
13 قازاندا«حوچۋ جيت» جوباسى رەسەي ارميياسى قاتارىندا سوعىسىپ, ۋكراينادا قازا تاپقان 270 ادامنىڭ تٸزٸمٸن جارييالادى.
تٸزٸمنٸڭ 188-نٶمٸرٸندە سارمانباەۆ داۋلەت قونىربايۇلى, 1976 جىلعى 7 قازاندا تۋعان دەپ كٶرسەتٸلگەن. بۇل دەرەكتەر ۇقك جارييالاعان ٸزدەۋ كارتوچكاسىنداعى مەلٸمەتتەرمەن تولىق سەيكەس كەلەدٸ.
«حوچۋ جيت» جوباسىنىڭ مەلٸمەتٸنشە, ول 2025 جىلدىڭ 9 قىركٷيەگٸندە قازا تاپقان دەپ تانىلعان.
بۇل – بٸر ادام ەكەنٸن دەلەلدەيتٸن تاعى بٸر دەرەك بار
15 قازاندا «ورال اپتالىعى» Facebook جەلٸسٸندە ۋكراينادا قازا تاپقان قازاقستاندىقتاردىڭ تٸزٸمٸن جارييالادى. جازبانىڭ استىندا بٸر قولدانۋشى پٸكٸر قالدىرىپ, داۋلەت سارمانباەۆپەن 2017–2020 جىلدارى چينارەۆ كەن ورنىندا بٸرگە ۆاحتادا ٸستەگەنٸن جازعان.
«قىزىلوردا وبلىسىنىڭ شيەلٸ اۋىلىنان كەلەتٸن. جاقسى جٸگٸت ەدٸ, سابىرلى, ەڭبەكقور», – دەپ جازعان قولدانۋشى.
ال سارمانباەۆقا قاتىستى ٸس ۇقك ٸزدەۋ كارتوچكاسىندا كٶرسەتٸلگەندەي, 2025 جىلدىڭ 3 قاراشاسىندا قىزىلوردا وبلىسىندا تٸركەلگەن.
