Qazaqstannyń Ulttyq qaýipsizdik komiteti Daýlet Sarmanbaevty izdeý jariialaǵan. Alaida ýkrainalyq «Hochý jit» jobasynyń derekteri boiynsha, ol Ýkrainadaǵy soǵysta qaza tapqan, dep habarlaidy Dalanews.kz Nege.kz-ke silteme jasap.
13 qazanda«Hochý jit» jobasy Resei armiiasy qatarynda soǵysyp, Ýkrainada qaza tapqan 270 adamnyń tizimin jariialady.
Tizimniń 188-nómirinde Sarmanbaev Daýlet Qonyrbaiuly, 1976 jylǵy 7 qazanda týǵan dep kórsetilgen. Bul derekter UQK jariialaǵan izdeý kartochkasyndaǵy málimettermen tolyq sáikes keledi.
«Hochý jit» jobasynyń málimetinshe, ol 2025 jyldyń 9 qyrkúieginde qaza tapqan dep tanylǵan.
Bul – bir adam ekenin dáleldeitin taǵy bir derek bar
15 qazanda «Oral aptalyǵy» Facebook jelisinde Ýkrainada qaza tapqan qazaqstandyqtardyń tizimin jariialady. Jazbanyń astynda bir qoldanýshy pikir qaldyryp, Daýlet Sarmanbaevpen 2017–2020 jyldary Chinarev ken ornynda birge vahtada istegenin jazǵan.
«Qyzylorda oblysynyń Shieli aýylynan keletin. Jaqsy jigit edi, sabyrly, eńbekqor», – dep jazǵan qoldanýshy.
Al Sarmanbaevqa qatysty is UQK izdeý kartochkasynda kórsetilgendei, 2025 jyldyń 3 qarashasynda Qyzylorda oblysynda tirkelgen.
