الماتىدا تاعى ءبىر مەردىگەردىڭ قۇرىلىس ليسەنزياسى توقتاتىلدى، دەپ حابارلايدى Dalanews.kz.
الماتىنىڭ قالا قۇرىلىسىن باقىلاۋ باسقارماسى "سك MEGARON" جشس-عا قاتىستى قابىلدانعان شارالار تۋرالى حابارلادى. كومپانيا ب.حمەلنيسكيي كوشەسىنەن باستاپ تاجىبايەۆ، باكينسكايا، فيزۋلي كوشەلەرى ارقىلى مايلين كوشەسىنە دەيىنگى سۋ قۇبىرى جەلىلەرىن قايتا جاڭارتۋ، سونداي-اق، مىڭبايەۆ جانە ماناس كوشەلەرىندەگى سۋ قۇبىرى جەلىلەرىن قايتا جاڭعىرتۋ جۇمىستارىن ورىنداعان.
"الاتاۋ تن" ج ش س تەحنيكالىق قاداعالاۋىنىڭ ءوتىنىشى نەگىزىندە باسقارما تاراپىنان مەردىگەرگە قاتىستى جوسپاردان تىس تەكسەرىس جۇرگىزىلدى. ناتيجەسىندە قۇرىلىس سالاسىنداعى مەملەكەتتىك نورماتيۆتەر ساقتالماعانى انىقتالدى. وسىعان بايلانىستى "سك MEGARON" جشس-نىڭ قۇرىلىس ليسەنزياسى كەرى قايتارىلدى"، - دەپ جازىلعان حابارلامادا.
ەسكە سالايىق، بۇعان دەيىن دە الماتىدا ەكى كومپانيا – "سك 7 ستروي" ج ش س جانە "AsiaMax" ج ش س قۇرىلىس ليسەنزيالارىنان ايىرىلعان بولاتىن.
