ەلوردا تۇرعىندارى ۇزاق ۋاقىت بويى تٷسپەي تۇرعان جوعارى تەمپەراتۋرا مەن دەرٸگەرگە جازىلۋدىڭ قيىندىعىنا شاعىمدانۋدا, دەپ حابارلايدى Dalanews.kz.
كەيبٸر اتا-انالاردىڭ ايتۋىنشا, بالالاردىڭ دەنە قىزۋى 5–7 كٷنگە دەيٸن تٷسپەي تۇر, ال ەمحانالار مەن ستاتسيونارلاردا ورىن جەتٸسپەيدٸ.
استانا قالاسىنىڭ سانيتارييالىق-ەپيدەميولوگييالىق باقىلاۋ دەپارتامەنتٸ جاعدايدىڭ الاڭداۋعا سەبەپ جوق ەكەنٸن مەلٸمدەدٸ.
"2 قازاننان بەرٸ 27 469 جرۆي جاعدايى تٸركەلدٸ. بۇل ٶتكەن جىلمەن سالىستىرعاندا 5 پايىزعا تٶمەن", – دەدٸ دەپارتامەنت باسشىسىنىڭ ورىنباسارى جاننا پراليەۆا.
ناۋقاستاردىڭ 61 پايىزى – 14 جاسقا دەيٸنگٸ بالالار. ماۋسىم باستالعالى بەرٸ 982 ادام اۋرۋحاناعا جاتقىزىلعان.
دەپارتامەنت تۇرعىندارعا اۋرۋ بەلگٸلەرٸ بايقالعان جاعدايدا ٶز بەتٸنشە ەمدەلمەي, مٸندەتتٸ تٷردە دەرٸگەرگە جٷگٸنۋدٸ, سونداي-اق ماسكا تاعۋ سەكٸلدٸ الدىن الۋ شارالارىن ساقتاۋدى ەسكەرتتٸ.
