Elorda turǵyndary uzaq ýaqyt boıy túspeı turǵan joǵary temperatýra men dárigerge jazylýdyń qıyndyǵyna shaǵymdanýda, dep habarlaıdy Dalanews.kz.
Keıbir ata-analardyń aıtýynsha, balalardyń dene qyzýy 5–7 kúnge deıin túspeı tur, al emhanalar men stasıonarlarda oryn jetispeıdi.
Astana qalasynyń sanıtarıalyq-epıdemıologıalyq baqylaý departamenti jaǵdaıdyń alańdaýǵa sebep joq ekenin málimdedi.
"2 qazannan beri 27 469 JRVI jaǵdaıy tirkeldi. Bul ótken jylmen salystyrǵanda 5 paıyzǵa tómen", – dedi departament basshysynyń orynbasary Janna Pralıeva.
Naýqastardyń 61 paıyzy – 14 jasqa deıingi balalar. Maýsym bastalǵaly beri 982 adam aýrýhanaǵa jatqyzylǵan.
Departament turǵyndarǵa aýrý belgileri baıqalǵan jaǵdaıda óz betinshe emdelmeı, mindetti túrde dárigerge júginýdi, sondaı-aq maska taǵý sekildi aldyn alý sharalaryn saqtaýdy eskertti.
