قازاقستان رەسپۋبليكاسىنىڭ ۇلتتىق كٸتاپحاناسى جانىنداعى مۇحتار ەۋەزوۆ عىلىمي كابينەتٸنٸڭ جابىلۋى تۋرالى بٸرقاتار باق-تا پايدا بولعان اقپاراتقا بايلانىستى ونىڭ تولىققاندى جۇمىسىن جالعاستىرىپ, وقىرماندار مەن زەرتتەۋشٸلەردٸ شتاتتىق رەجيمدە قابىلدايتىنىن حابارلايمىز.
مۇحتار ەۋەزوۆتٸڭ عىلىمي كابينەتٸ قر ۇلتتىق كٸتاپحاناسىندا قالىپتى تٷردە قىزمەت كٶرسەتٸپ, كەلۋشٸلەردٸ قابىلداۋدى جالعاستىرىپ جاتىر جەنە كٸتاپحانانىڭ ەكسكۋرسييالىق مارشرۋتىنا ەنگٸزٸلگەن.
كابينەتتٸڭ كٸتاپ قورى الداعى ۋاقىتتا دا تولىقتىرىلادى. سونداي-اق جازۋشىنىڭ شىعارماشىلىعىنا ارنالعان ٸس-شارالار تۇراقتى ٶتكٸزٸلەدٸ.
ەسكە سالا كەتەيٸك, بيىل قازان ايىندا "الماتى قالاسىنىڭ ورتالىقتاندىرىلعان كٸتاپحانا جٷيەسٸ" كمقك-نٸڭ №4 كٸتاپحانا-فيليالىنا مۇحتار ەۋەزوۆتٸڭ ەسٸمٸ بەرٸلدٸ. سول جەردە جازۋشىنىڭ مەموريالدىق كابينەتٸ اشىلىپ, وعان مۇرات ەۋەزوۆتٸڭ باستاماسىمەن ەۋەزوۆتەر وتباسى جازۋشىنىڭ بٸرقاتار جەكە زاتتارى مەن كٸتاپتارىن تابىستادى.
