Qazaqstan Respýblıkasynyń Ulttyq kitaphanasy janyndaǵy Muhtar Áýezov ǵylymı kabınetiniń jabylýy týraly birqatar BAQ-ta paıda bolǵan aqparatqa baılanysty onyń tolyqqandy jumysyn jalǵastyryp, oqyrmandar men zertteýshilerdi shtattyq rejımde qabyldaıtynyn habarlaımyz.
Muhtar Áýezovtiń ǵylymı kabıneti QR Ulttyq kitaphanasynda qalypty túrde qyzmet kórsetip, kelýshilerdi qabyldaýdy jalǵastyryp jatyr jáne kitaphananyń ekskýrsıalyq marshrýtyna engizilgen.
Kabınettiń kitap qory aldaǵy ýaqytta da tolyqtyrylady. Sondaı-aq jazýshynyń shyǵarmashylyǵyna arnalǵan is-sharalar turaqty ótkiziledi.
Eske sala keteıik, bıyl qazan aıynda "Almaty qalasynyń ortalyqtandyrylǵan kitaphana júıesi" KMQK-niń №4 kitaphana-fılıalyna Muhtar Áýezovtiń esimi berildi. Sol jerde jazýshynyń memorıaldyq kabıneti ashylyp, oǵan Murat Áýezovtiń bastamasymen Áýezovter otbasy jazýshynyń birqatar jeke zattary men kitaptaryn tabystady.
