2025 جىلدىڭ اقپان ايىندا قازاقستاندا جىلدىق ينفلياتسييا ٷدەپ, 9,4% بولدى (قاڭتاردا – 8,9%). جىلدىق ينفلياتسييا 15 ٶڭٸردە جەدەلدەدٸ, ال ٷش ٶڭٸردە, كەرٸسٸنشە باياۋلاپ, ەكٸ ٶڭٸردە ٶزگەرٸسسٸز قالدى. بۇل تۋرالى قر ۇلتتىق بانكتٸڭ باسپاسٶز قىزمەتٸ حابارلادى, دەپ جازادى Dalanews.kz.
جىلدىق ينفلياتسييانىڭ ەڭ جوعارى مەنٸ استانا قالاسىندا تٸركەلدٸ.
اقپاندا ازىق-تٷلٸك تاۋارلارىنىڭ باعاسى ج/ج 6,5%-عا دەيٸن جەدەلدەدٸ (قاڭتاردا – 5,8%). وسى توپتاعى تاۋارلاردىڭ باعاسى اقمولا وبلىسىندا (8,9%) بارىنشا جوعارى, ال تٷركٸستان وبلىسىندا (4,5%) مەيٸلٸنشە تٶمەن قارقىنمەن ٶستٸ.
اقپاندا ازىق-تٷلٸككە جاتپايتىن تاۋارلار باعاسىنىڭ ٶسۋ قارقىنى 8,7%-عا دەيٸن جەدەلدەدٸ (قاڭتاردا – 8,4%). ەڭ جوعارى مەن تٷركٸستان وبلىسىندا (14,1%), ەڭ تٶمەنگٸ مەن پاۆلودار وبلىسىندا (5,8%) تٸركەلدٸ.
اقپاندا اقىلى كٶرسەتٸلەتٸن قىزمەت باعاسى ج/ج 14,1%-عا دەيٸن جەدەلدەدٸ (قاڭتاردا – 13,8%). سونىمەن قاتار, باتىس قازاقستان وبلىسىندا (19,2%) باعا جالپى رەسپۋبليكالىق دەڭگەيدەن جوعارى, تٷركٸستان وبلىسىندا (8,4%) ايتارلىقتاي تٶمەن ٶستٸ.
اقپاندا ايلىق ينفلياتسييا ەل كٶلەمٸندە 1,5%-عا ٶستٸ.
بۇعان دەيٸن سايتىمىزدا قارجى سالاسى ماماندارىنىڭ اۋىزدىقتاۋعا كەلمەي جاتقان ينفلياتسييا جايىنا قاتىستى ايتىس-تارتىسى جارييالانعان. الدىمەن ۇلتتىق بانك تٶراعاسىنىڭ كەڭەسشٸسٸ سەبيت حەكٸمجانوۆ بازالىق مٶلشەرلەمەنٸڭ ينفلياتسيياعا ەسەرٸ شەكتەۋلٸ دەگەن ساراپشىلار قاۋىمى ورتاسىنداعى پٸكٸرگە ۋەج ايتسا, ٸلە-شالا ەكونوميست عالىم قۇسايىنوۆ بازالىق مٶلشەرلەمەنٸڭ ٶز فۋنكتسيياسىن نەگە ورىنداي الماي جاتقانىن جٸلٸكتەپ شاعىپ, تٷسٸندٸردٸ. ونىڭ ايتۋىنشا, دەل قازٸر ينفلياتسييامەن كٷرەستٸڭ كەشەندٸ شارالارىن قابىلداۋ كەرەك. ونىڭ ٸشٸندە مەملەكەتتٸك بيۋدجەتتٸ, كۆازيمەملەكەتتٸك كومپانييالار مەن قورلاردى قوسا العاندا, بيۋدجەت ساياساتىن كەشەندٸ تٷردە قايتا قاراۋ دا ۇسىنىلادى. ەكونوميست اسقار قىسىقوۆ تا مەملەكەتتٸك نىسانداردى جەكەگە بەرٸپ, بارىنشا ٷنەمگە كٶشٸپ جاتقان قازاقستان بيۋدجەتٸندە ەكونوميكا سالالارىن قولداۋعا قوماقتى قاراجات باعىتتالىپ جاتقانىنا اڭ-تاڭ. مەسەلەن, سونىڭ ٸشٸندە "بەيتەرەك" حولدينگٸ ارقىلى شامامەن 8 ترلن تەڭگە بٶلۋ جايى قاراستىرىلعان. ول دا وسى باعىتتا بيۋدجەتتٸ "قىرقۋ" كەرەك دەپ سانايدى.
