گەنناديي گولوۆكين جانە ماريوليس حاريلاوس حالىقارالىق سپورت ۇيىمىنىڭ (World Boxing) پرەزيدەنتتىگىنە ءوز كانديداتۋرالارىن ۇسىندى، دەپ حابارلايدى Dalanews.kz. Vesti.kz-كە سىلتەمە جاساپ.
پورتال ماتەريالىندا WB باسپا ءسوز قىزمەتىنىڭ اقپاراتى كەلتىرىلگەن.
حابارلانعانداي، سايلاۋ 2025 جىلعى 23 قاراشادا ريمدە وتەتىن ءۇشىنشى جىل سايىنعى كونگرەستە ۇيىمداستىرىلادى.
قازاقستاندىق بوكسشى بۇل تۋرالى الەۋمەتتىك جەلىلەردە مالىمدەمە جاسادى.
«دوستار، مەن ماڭىزدى شەشىم قابىلدادىم – حالىقارالىق World Boxing فەدەراسياسىنىڭ پرەزيدەنتتىگىنە ءوز كانديداتۋرامدى ۇسىنۋ»، – دەپ جازدى ول.
گولوۆكين ءوزىنىڭ ميسسياسى – «بوكستىڭ وليمپيادالىق بولاشاعىن ساقتاۋ، سەنىمدى نىعايتۋ جانە سپورتشىلاردى، جاتتىقتىرۋشىلاردى جانە فەدەراسيالاردى سپورتىمىزدى دامىتۋعا ۇمتىلىسىندا قولداۋ كورسەتۋ» ەكەنىن اتاپ ءوتتى.
«ءبىزدىڭ ماقساتىمىز – موك تاراپىنان تولىق مويىندالۋعا قول جەتكىزۋ جانە بوكستىڭ لوس-اندجەلەس وليمپياداسى – 2028، بريسبەن – 2032 جانە كەيىنگى جىلدارداعى ويىندارعا قاتىسۋىن راستاۋ. 23 قاراشادا ءبىز جارقىن بولاشاققا ماڭىزدى قادام جاسايمىز»، – دەپ قوستى ول.
