"قازاقستاننىڭ اۆتوكولىك وداعى" اقپان ايىنداعى اۆتوموبيل ساتىلىمى تۋرالى سوڭعى دەرەكتەردى جاريالادى، دەپ حابارلايدى Dalanews.kz.

حابارلاماعا سايكەس، ەلىمىزدەگى ەڭ كوپ ساتىلاتىن قىتايلىق برەندتەردىڭ اراسىندا ءبىرىنشى ورىنعا Jetour برەندى شىقتى.

وسىلايشا، اقپان ايىنداعى جالپى ساتىلىم رەيتينگىندە قازاقستاندىق Allur اۆتوموبيل كومپانياسىنا قاراستى ءۇش برەند كوش باستادى. سونىمەن قاتار، قىتايلىق اۆتوموبيل برەندتەرى اراسىندا ۇزاق ۋاقىتتان بەرى العاش رەت نارىقتاعى كوشباسشى وزگەردى.

Jetour برەندىنىڭ قازاقستانداعى نارىقتاعى ساتىلىم ۇلەسى اقپاندا 7،27%-دى قۇرادى. ءبىر ايدا Jetour Qazaqstan كومپانياسىنان 1160 اۆتوموبيل ساتىلدى، بۇل ەڭ جاقىن باسەكەلەسىنەن 122 دانا ارتىق. ايتا كەتۋ كەرەك، اقپان ايىنىڭ باسىندا قازاقستان نارىعىنا شىققان X50 مودەلى 200 دانا ساتىلدى. وتكەن جىلى سوڭىندا تانىستىرىلعان جانە قازاقستاندىقتارعا ۇناعان X70 جاڭا ۇرپاعىنىڭ ساتىلىمى 384 داناعا جەتتى، ال تولىق جەتەكتى ت2 كروسسوۆەرىنىڭ ساتىلىمى 184 دانا بولدى.

قىزمەت كورسەتۋ ساپاسى بويىنشا جۇرگىزىلگەن ساۋالناما ناتيجەلەرى كورسەتكەندەي، كليەنتتەردىڭ 94%-ى ساتىپ العان كولىگىنە قاناعاتتانعان، ال 83%-ى Jetour برەندىنىڭ ديلەرلىك ورتالىقتارىن ۇسىنۋعا دايىن.

بۇل دەرەكتەر Jetour ونىمدەرىنە دەگەن قىزىعۋشىلىقتىڭ تۇراقتى ءوسىپ كەلە جاتقانىن كورسەتىپ، برەندتىڭ قازاقستان نارىعىنداعى پوزيسيالارىن نىعايتۋدا. كليەنتتەرگە يننوۆاسيالىق تەحنولوگيالار، ءستيلدى ديزاين جانە قولجەتىمدى باعالار ۇناۋدا. بۇل ءبارى مودەلدەر قاتارىن كەڭەيتۋگە جانە ساتىلىم كولەمىن ودان ءارى ارتتىرۋعا نەگىز بولا الادى.

Jetour اۆتوموبيلدەرىنە سۇرانىس ءتيىمدى قارجىلىق جاعدايلارمەن قولداۋ تابۋدا. Allur Finance-پەن بىرلەسىپ، 7 جىلعا 4%-بەن اۆتوكرەديت بەرۋ باعدارلاماسى جالعاسۋدا.