استانادا ق ر تۋريزم جانە سپورت مينيسترلىگىندە قوعامدىق كەڭەستىڭ كەزەكتى وتىرىسى ءوتتى. كەزدەسۋ بارىسىندا 2026 جىلى يتاليادا وتەتىن قىسقى وليمپيادا ويىندارىنا ۇلتتىق قۇرامانىڭ دايىندىعى ماسەلەسىن تالقىلادى، دەپ حابارلايدى Dalanews.kz
رەسمي دەرەككە سايكەس، قازاقستان وليمپياداعا سپورتتىڭ 10 ءتۇرى بويىنشا قاتىسۋدى كوزدەپ وتىر. جالپى سانى 35-كە جۋىق سپورتشى ىرىكتەلۋى مۇمكىن. قازىرگى ۋاقىتتا مانەرلەپ سىرعاناۋ، شورت-ترەك جانە كونكيمەن جۇگىرۋ باعىتتارى بويىنشا 23 جولداما بار.
جيىن بارىسىندا تۋريزم جانە سپورت مينيسترلىگىنىڭ دەنە شىنىقتىرۋ جانە سپورت ىستەرى كوميتەتى ءتوراعاسىنىڭ ورىنباسارى نۇرلان ەسەمبايەۆ دايىندىق جۇمىستارىنا جۇمسالعان قاراجات كولەمىنە توقتالدى. ونىڭ مالىمدەۋىنشە، 2025 جىلى قىسقى وليمپياداعا ازىرلىك ءۇشىن 13،2 ملرد تەڭگە باعىتتالعان. اتالعان سومانىڭ 585 ملن تەڭگەسى سپورت فەدەراسيالارىنىڭ قاراجاتى بولسا، 5،3 ملرد تەڭگە رەسپۋبليكالىق بيۋدجەتتەن، 6،2 ملرد تەڭگە جەرگىلىكتى بيۋدجەتتەردەن بولىنگەن. ال تۋريزم جانە سپورت يندۋسترياسىن قولداۋ قورى 812،5 ملن تەڭگە كولەمىندە قارجى بولگەن.
سونداي-اق، وليمپيادا ويىندارىنىڭ اشىلۋ راسىمىندە قازاقستان رەسپۋبليكاسىنىڭ مەملەكەتتىك تۋىن دەنيس نيكيشا مەن يانا حان الىپ شىعاتىنى حابارلاندى.
