پرەزيدەنت ماڭعىستاۋ ءۇشىن ماڭىزدى زاڭعا قول قويدى، دەپ حابارلايدى Dalanews.kz.
بۇل تۋرالى ءماجىلىس دەپۋتاتى ەدىل جاڭبىرشين حابارلادى.
دەپۋتاتتىڭ سوزىنشە، ماەك كاسىپورنىنا ۇكىمەت بولەتىن سۋبسيديالار ەسەبىنەن الىناتىن تابىسقا كورپوراتيۆتىك تابىس سالىعىن سالماۋ تۋرالى زاڭعا پرەزيدەنت قول قويدى.
بۇل شەشىم:
- ستراتەگيالىق ماڭىزى بار ماەك-تىڭ قارجىلىق جۇكتەمەسىن ازايتادى؛
- جىلۋ، سۋ جانە ەلەكتر ەنەرگياسىنىڭ وزىندىك قۇنىن وسىرمەۋگە مۇمكىندىك بەرەدى؛
- كاسىپورىننىڭ تۇراقتى جۇمىسىن قامتاماسىز ەتۋگە جانە ينفراقۇرىلىمدى جاڭعىرتۋعا جاعداي جاسايدى؛
- ەڭ باستىسى – ماڭعىستاۋ حالقى ءۇشىن تاريفتىك قىسىمدى تەجەۋگە باعىتتالعان.
"مەملەكەت ءۇشىن دە، ءوڭىر ءۇشىن دە، تۇرعىندار ءۇشىن دە دۇرىس ءارى ۋاقتىلى قابىلدانعان شەشىم"، - دەيدى جاڭبىرشين.
