قما شقو بويىنشا دەپارتامەنتى جەر قويناۋىن پايدالانۋشىلاردان اقشا الۋ سحەماسىن ۇيىمداستىرعان ەكى ازاماتقا قاتىستى الاياقتىق دەرەگى بويىنشا تەرگەۋدى اياقتادى، دەپ حابارلايدى Dalanews.kz.
ەسكە سالساق، 2025 جىلعى قىركۇيەك ايىندا سامار اۋدانىنىڭ «كەنكارىن» ۋچاسكەسىندە «قۇلىنجون» وزەنىنىڭ ارناسىن ءوز بەتىنشە وزگەرتۋ ارقىلى باعالى مەتالداردى زاڭسىز وندىرۋمەن اينالىسقان ادامدار توبىنىڭ ارەكەتى توقتاتىلعان بولاتىن.
ولاردىڭ ارەكەتتەرى سالدارىنان ەكولوگيالىق زالال 54 ملن تەڭگەدەن استى.
وسى جاعدايدى پايدالانا وتىرىپ، قىلمىسكەرلەر كۇدىكتىلەردىڭ ءبىرىن قاماۋدا ۇستاۋ تۇرىندەگى بۇلتارتپاۋ شاراسىن نەعۇرلىم جەڭىل تۇرىنە وزگەرتۋگە جاردەم كورسەتەمىز دەگەن سىلتاۋمەن 10 000 اقش دوللارىن بەرۋگە كوندىرگەن.
قابىلدانعان شارالاردىڭ ناتيجەسىندە اتالعان تۇلعالار اقشا الۋ كەزىندە ۇستالعان.
سوت ۇكىمىمەن ولارعا 2 جىل 6 اي مەرزىمگە باس بوستاندىعىن شەكتەۋ جازاسى تاعايىندالدى.
ۇكىم زاڭدى كۇشىنە ەنگەن جوق.
