اباي وبلىسى ٷرجار اۋدانىنا قاراستى بەستەرەك اۋىلىندا التى بالانى قاعىپ كەتكەن جول-كٶلٸك وقيعاسىنا قاتىستى سوت پروتسەسٸ جالعاسىپ جاتىر. سوتتا كٶلٸك جٷرگٸزۋشٸسٸ سوڭعى سٶزٸن سٶيلەدٸ, دەپ حابارلايدى Dalanews.kz.
ول قازا تاپقان جەنە زارداپ شەككەن بالالاردىڭ اتا-انالارىنان كەشٸرٸم سۇرادى.
"مەن جاساعان قىلمىستى تولىق مويىندايمىن جەنە ونىڭ بٷكٸل جاۋاپكەرشٸلٸگٸن ٶز موينىما الامىن. بارلىعىڭىزدان كەشٸرٸم سۇرايمىن. مۇنداي قايعى ەشكٸمنٸڭ باسىنا تۋماسىن", — دەدٸ ايىپتالۋشى.
ەسكە سالايىق, بۇعان دەيٸن پروكۋرور بالالاردى قاعىپ كەتكەن جٷرگٸزۋشٸنٸ 9,5 جىلعا سوتتاۋدى سۇرادى.
كەزەكتٸ سوت وتىرىسىندا مەملەكەتتٸك ايىپتاۋشى ايىپتالۋشىعا 9 جىل 6 اي مەرزٸمگە باس بوستاندىعىنان ايىرۋ جازاسىن تاعايىنداۋدى سۇرادى.
بۇعان دەيٸن پروكۋرور سوتتا جاڭارتىلعان ايىپتاۋ اكتٸسٸن ۇسىنعان. وندا ايىپتالۋشىنىڭ كٸنەسٸن تولىق مويىنداۋى جەڭٸلدەتەتٸن مەن-جاي رەتٸندە كٶرسەتٸلگەن. ال قىلمىستىڭ كەمەلەتكە تولماعاندارعا قاتىستى جاسالۋى جاۋاپكەرشٸلٸكتٸ اۋىرلاتاتىن جاعداي رەتٸندە باعالانعان.
ايتا كەتەيٸك, 19 تامىزدا اباي وبلىسىنىڭ ٷرجار اۋدانىندا 55 جاستاعى جٷرگٸزۋشٸ ٷيدٸڭ قاقپاسى ماڭىندا ويناپ جٷرگەن التى بالانى كٶلٸكپەن قاعىپ كەتكەن ەدٸ. سول سەتتە ٷشەۋٸ - ەكٸ, بەس جەنە سەگٸز جاستاعى بالالار وقيعا ورنىندا قازا تاپتى. سونداي-اق 6-9 جاس ارالىعىنداعى تاعى ٷش بالا جاراقات الدى.
كٶلٸك جٷرگٸزۋشٸسٸ ەكٸ ايعا قاماۋعا الىندى. ونىڭ تۋىستارىنىڭ ايتۋىنشا, اپاتقا جٷرەك تالماسى سەبەپ بولعان.
ايتا كەتەيٸك, بۇعان دەيٸن استانا قالالىق دەنساۋلىق ساقتاۋ باسقارماسىنىڭ باسپاسٶز قىزمەتٸ زارداپ شەككەن ەكٸ بالا اۋرۋحانادان شىققانى تۋرالى مەلٸمدەگەن ەدٸ.
