تارازدا قىزدار 9-سىنىپ وقۋشىسىن اياۋسىز ۇرعان. بۇل تۋرالى جابىرلەنۋشىنىڭ اناسى الەۋمەتتىك جەلىدە ايتتى، دەپ حابارلايدى Dalanews.kz.
ونىڭ سوزىنشە، 7-8 قىز كاستەت قولدانىپ، قىزىن جابىلىپ ۇرىپ كەتكەن. ول قۇزىرلى ورگانداردان اراشا سۇرادى.
جامبىل وبلىسى پوليسيا دەپارتامەنتى مالىمەتىنشە، بۇل دەرەك بويىنشا قىلمىستىق ءىس قوزعالعان، توبەلەسكە قاتىسۋشىلاردىڭ بارلىعى انىقتالىپ، پوليسيا بولىمىنە جەتكىزىلگەن.
كامەلەتكە تولماعانداردىڭ اتا-انالارى بالالارىن تاربيەلەۋ جونىندەگى مىندەتىن تيىسىنشە ورىنداماعانى ءۇشىن جاۋاپكەرشىلىككە تارتىلعان.
"جاسوسپىرىمدەردىڭ ارەكەتى كامەلەتكە تولماعانداردىڭ ىستەرى جانە ولاردىڭ قۇقىقتارىن قورعاۋ جونىندەگى كوميسسيا وتىرىسىندا قارالدى. قورىتىندىسى بويىنشا جاسوسپىرىمدەر پروفيلاكتيكالىق ەسەپكە الىندى. ءقازىر وقيعانىڭ بارلىق ءمان-جايى مەن سەبەپتەرىن جان-جاقتى انىقتاۋعا باعىتتالعان تەرگەۋ جۇرگىزىلىپ جاتىر. ناتيجەسىنە سايكەس ءتيىستى پروسەسسۋالدىق شەشىم قابىلدانادى"، - دەدى پوليسيا.
