قاراعاندى وبلىسى تەمىرتاۋ قالاسىندا سيفرلىق اكتيۆتەردى زاڭسىز ءوندىرۋ دەرەگى بويىنشا سوت ۇكىمى شىقتى، دەپ حابارلايدى Dalanews.kz.

تەرگەۋ جۇمىستارىن قما قاراعاندى وبلىسى بويىنشا دەپارتامەنتى جۇرگىزدى. ە.گ. تولوۆوۆ 2021 جىلعى تامىزدان باستاپ ءتيىستى ليسەنزياسىز جاسىرىن كريپتوفەرما ۇيىمداستىرعان.

ول سحەمانى جۇزەگە اسىرۋ ءۇشىن رەسەي فەدەراسياسىنان 156 ماينينگ جابدىعىن ساتىپ الىپ، ونى وندىرىستىك بازاسىنا ورنالاستىرعان. ە.گ. تولوۆوۆ وندىرگەن سيفرلىق اكتيۆتەرىن كريپتوبيرجاداعى اككاۋنتىندا جيناپ، كەيىن ولاردى BinancePool جانە Litecoinpool.org ماينينگ پۋلدارى ارقىلى ساتقان.

ساۋدا P2P-اۋدارىمدار ارقىلى، USDT-نى تەڭگەگە ايىرباستاۋ ارقىلى جۇزەگە اسقان. جالپى وندىرىلگەن اكتيۆتەردىڭ كولەمى - 11،2 BTC جانە 90،2 LTC، بۇل شامامەن 185 ميلليون تەڭگەگە تەڭ.

سوت ۇكىمى بويىنشا وعان ءبىر جىلعا باس بوستاندىعىنان ايىرۋ جانە بارلىق ماينينگ جابدىعىن تاركىلەۋ تۇرىندەگى جازا تاعايىندالدى. سونىمەن قاتار، مەملەكەت كىرىسىنە قىلمىستىق جولمەن كەلگەن 185 ميلليون تەڭگە قايتارىلدى.

سوت ۇكىمى زاڭدى كۇشىنە ەندى.