Qaraǵandy oblysy Temirtaý qalasynda tsifrlyq aktivterdi zańsyz óndirý deregi boiynsha sot úkimi shyqty, dep habarlaidy Dalanews.kz.
Tergeý jumystaryn QMA Qaraǵandy oblysy boiynsha departamenti júrgizdi. E.G. Tolovov 2021 jylǵy tamyzdan bastap tiisti litsenziiasyz jasyryn kriptoferma uiymdastyrǵan.
Ol shemany júzege asyrý úshin Resei Federatsiiasynan 156 maining jabdyǵyn satyp alyp, ony óndiristik bazasyna ornalastyrǵan. E.G. Tolovov óndirgen tsifrlyq aktivterin kriptobirjadaǵy akkaýntynda jinap, keiin olardy BinancePool jáne Litecoinpool.org maining pýldary arqyly satqan.
Saýda P2P-aýdarymdar arqyly, USDT-ny teńgege aiyrbastaý arqyly júzege asqan. Jalpy óndirilgen aktivterdiń kólemi - 11,2 BTC jáne 90,2 LTC, bul shamamen 185 million teńgege teń.
Sot úkimi boiynsha oǵan bir jylǵa bas bostandyǵynan aiyrý jáne barlyq maining jabdyǵyn tárkileý túrindegi jaza taǵaiyndaldy. Sonymen qatar, memleket kirisine qylmystyq jolmen kelgen 185 million teńge qaitaryldy.
Sot úkimi zańdy kúshine endi.
