Qostanai oblysynda qaryz berip, zańsyz baiyǵan eki adam sottaldy, dep habarlaidy dalanews.kz.
QMA málimetinshe, olar 2024-2025 jyldary ózderine baǵynyshty tórt kompaniianyń - "Soiýz-Kostanai" JShS, "Ekspress Tenge" JShS, "Express Gold" JShS jáne "Express.com" JShS-nyń jumysyn uiymdastyrǵan. Bul jeli oblystyń aýdan ortalyqtary men kentterinde jumys istegen.
Klientterge bankter men ózge de qarjy uiymdaryna júginbei, zergerlik buiymdaryn kepilge qoiyp, aqsha alý usynylǵan. Komissiialyq saýda degen jeleýmen múlkin kepilge qoiý arqyly azamattarǵa aqsha berilgen. Berilgen aqshany paidalanǵany úshin kún saiyn 0,4 paiyz mólsherinde syiaqy eseptelgen. Alaida klienttermen arada jazbasha qaryz sharttary jasalmaǵan.
Eki jyl ishinde olardyń qyzmetin 1 600-den asa azamat paidalanǵan. Zańsyz qyzmetten túsken kiris 579 million teńgeden asqan.
Sot múlkin tárkilei otyryp, eki adamdy da 2 jylǵa bas bostandyǵynan aiyrdy. Tárkilengen múliktiń qatarynda bes páter, úsh kólik, eki jer telimi bar. Sot úkimi zańdy kúshine engen joq.
