قازاقستاندا بٷگٸننەن باستاپ ەكٸمشٸلٸك قۇقىق بۇزۋشىلىق تۋرالى كودەكسكە ەنگٸزٸلگەن ٶزگەرٸستەر كٷشٸنە ەندٸ. ەندٸ كەيبٸر قۇقىقبۇزۋشىلىقتار پوليتسييا قىزمەتكەرلەرٸنٸڭ قاتىسۋىنسىز-اق, تسيفرلىق جٷيە مەن "اقىلدى كامەرالار" ارقىلى اۆتوماتتى تٷردە تٸركەلٸپ, ايىپپۇل رەسٸمدەلەدٸ, دەپ حابارلايدى Dalanews.kz.
بۇعان دەيٸن بەينەباقىلاۋ كامەرالارى نەگٸزٸنەن كٶلٸك جىلدامدىعىن اسىرۋ, باعدارشامنىڭ قىزىل تٷسٸنە ٶتۋ نەمەسە جول بەلگٸلەرٸن بۇزۋ سيياقتى قۇقىقبۇزۋشىلىقتاردى عانا انىقتايتىن. ال جاڭا ٶزگەرٸستەرگە سەيكەس, تسيفرلىق جٷيە ەندٸ باسقا دا بٸرقاتار تەرتٸپ بۇزۋشىلىقتاردى تٸركەپ, ايىپپۇل سالۋعا مٷمكٸندٸك بەرەدٸ.
مەسەلەن, جٷرگٸزۋشٸلەر رٶلدە وتىرىپ تەلەفون قولدانسا, قاۋٸپسٸزدٸك بەلدٸگٸن تاقپاسا, كٶلٸكتٸڭ جارىق شامدارىن دۇرىس پايدالانباسا نەمەسە جول قوزعالىسىنا كەدەرگٸ كەلتٸرسە, جٷيە مۇنداي ەرەكەتتەردٸ اۆتوماتتى تٷردە تٸركەيدٸ. سونداي-اق تەحبايقاۋدىڭ مەرزٸمٸ ٶتٸپ كەتسە نەمەسە ساقتاندىرۋ پوليسٸ بولماسا, اقپاراتتىق بازا ارقىلى بۇل دا بٸردەن انىقتالىپ, ايىپپۇل رەسٸمدەلۋٸ مٷمكٸن.
سونىمەن قاتار جاياۋ جٷرگٸنشٸلەر دە جاۋاپكەرشٸلٸكتەن تىس قالمايدى. كامەرالار جولدى بەلگٸلەنبەگەن جەردەن كەسٸپ ٶتكەندەردٸ, كٶشەگە قوقىس نەمەسە تەمەكٸ تۇقىلىن تاستاعانداردى, تىيىم سالىنعان جەردە تەمەكٸ شەككەندەردٸ تٸركەۋٸ مٷمكٸن. بۇدان بٶلەك, الكوگول ٶنٸمدەرٸن بەلگٸلەنبەگەن ۋاقىتتا ساتۋ فاكتٸلەرٸ دە باقىلاۋعا الىنۋى ىقتيمال.
جٷيە ادامنىڭ بەت-ەلپەتٸن نەمەسە كٶلٸك نٶمٸرٸن تانۋ ارقىلى دەرەكتەر بازاسىمەن سەيكەستەندٸرەدٸ. ەگەر قۇقىقبۇزۋشىلىق راستالسا, حاتتاما تولتىرىلماي-اق ايىپپۇل اۆتوماتتى تٷردە تٸركەلٸپ, ازاماتتىڭ تەلەفونىنا حابارلاما جٸبەرٸلەدٸ.
