الماتى قالاسىندا ٶتكەن «دارىندى بالالارعا – تالانتتى ۇستاز – 2026» اتتى مۇعالٸمدەر اراسىنداعى رەسپۋبليكالىق وليمپيادادا قىزىلوردا وبلىسى, ارال اۋدانىنان قاتىسقان ۇستاز جوعارى نەتيجە كٶرسەتتٸ, دەپ حابارلايدى Dalanews.kz
اتالعان بٸلٸم بەيگەسٸندە قىزىلوردا وبلىسى ارال اۋدانى ۇ.قارامانوۆ اتىنداعى №262 مەكتەپ-گيمنازيياسىنىڭ قازاق تٸلٸ مەن ەدەبيەتٸ پەنٸ مۇعالٸمٸ قۋانىشوۆ اتاباي قۋانىشۇلى رەسپۋبليكالىق كەزەڭدە ٸ ورىن يەلەندٸ.
وليمپيادا الماتى قالاسىنداعى اباي اتىنداعى ۇلتتىق مەكتەپتٸڭ بازاسىندا ۇيىمداستىرىلدى. بايقاۋ ەكٸ كەزەڭنەن تۇردى. بٸرٸنشٸ كەزەڭدە قاتىسۋشىلار ٶزدەرٸن تانىستىرىپ, ۇستازدىق جولى مەن كەسٸبي تەجٸريبەسٸن ۇسىندى. ال ەكٸنشٸ كەزەڭدە ەر مۇعالٸم ٶزدەرٸنٸڭ پەداگوگيكالىق يدەيالارىن قورعادى.
بايقاۋعا ەلٸمٸزدٸڭ ەر ٶڭٸرٸنەن 200-گە جۋىق مۇعالٸم قاتىسىپ, ولار 20–25 ادامنان بٸرنەشە سەكتسيياعا بٶلٸنٸپ, ٶز جوبالارىن قورعادى. بۇل كەزەڭدە قاتىسۋشىلاردىڭ تەك جۇمىسىنىڭ مازمۇنى عانا ەمەس, سونىمەن قاتار سٶيلەۋ شەبەرلٸگٸ, اۋديتورييا الدىندا ٶزٸن ۇستاۋى جەنە پەداگوگيكالىق يدەيانى TEDx فورماتىندا ەسەرلٸ جەتكٸزە بٸلۋٸ دە باعالاندى.
قۋانىشوۆ اتاباي قۋانىشۇلى بايقاۋدا «ارال ٶڭٸرٸنٸڭ ەدەبي مۋلتيمەدييالىق كارتاسى» اتتى پەداگوگيكالىق يدەياسىن ۇسىندى. جوبانىڭ باستى ماقساتى – ارال ٶڭٸرٸنەن شىققان اقىن-جازۋشىلاردىڭ ەدەبي مۇراسىن جاڭعىرتىپ, ونى زاماناۋي تەحنولوگييا ارقىلى وقۋشىلارعا تانىستىرۋ. مۋلتيمەدييالىق كارتا ارقىلى وقۋشىلار بەلگٸلٸ بٸر ايماقتى تاڭداپ, سول ٶڭٸردەن شىققان قالامگەرلەردٸڭ ٶمٸرٸ مەن شىعارماشىلىعى تۋرالى مەلٸمەتتەرمەن تانىسا الادى. بۇل جوبا وقۋشىلاردىڭ تۋعان ٶلكەنٸڭ تاريحى مەن ەدەبيەتٸن تەرەڭٸرەك تانۋىنا مٷمكٸندٸك بەرەدٸ.
وليمپيادا 10 اقپان كٷنٸ ٶتٸپ, قاتىسۋشىلار ٶز جوبالارىن قورعادى. ال 11 اقپان كٷنٸ بايقاۋدىڭ قورىتىندىسى شىعارىلىپ, ٷزدٸكتەر ماراپاتتالدى. قازىلار القاسىنىڭ شەشٸمٸمەن ارالدىق ۇستازدىڭ پەداگوگيكالىق يدەياسى جوعارى باعالانىپ, رەسپۋبليكالىق كەزەڭنٸڭ ٸ ورىن جٷلدەسٸنە يە بولدى.
بۇل جەتٸستٸك – ۇستازدىڭ شىعارماشىلىق ٸزدەنٸسٸنٸڭ, بٸلٸم مەن تەجٸريبەسٸنٸڭ جەمٸسٸ. وسىنداي جاڭاشىل جوبالار ارقىلى ۇلتتىق ەدەبي مۇرانى ناسيحاتتاپ, ونى جاس ۇرپاققا زاماناۋي تەسٸلمەن جەتكٸزۋ – بٷگٸنگٸ بٸلٸم بەرۋ جٷيەسٸنٸڭ ماڭىزدى باعىتتارىنىڭ بٸرٸ.
