قازاقستاننىڭ ٸشكٸ ٸستەر مينيسترلٸگٸ اتا-انالارعا ٷندەۋ جاساپ, جاسٶسپٸرٸمدەردٸ ەسٸرتكٸ تاسىمالداۋعا ەلەۋمەتتٸك جەلٸلەر مەن مەسسەندجەرلەر ارقىلى تارتۋ جاعدايلارى كٶبەيگەنٸن ەسكەرتتٸ, دەپ حابارلايدى Dalanews.kz.
پوليتسييانىڭ مەلٸمەتٸنشە, قىلمىستىق توپتار جاسٶسپٸرٸمدەردٸ «زاكلادكا» قويۋعا تارتۋ ٷشٸن ولارعا وڭاي ەرٸ تەز تابىس تابۋدى ۋەدە ەتەدٸ.
العاشىندا ۇسىنىس زييانسىز جۇمىس سيياقتى كٶرٸنەدٸ. الايدا كەيٸن جاسٶسپٸرٸمدەر بوپسالاۋ مەن قورقىتۋعا تاپ بولىپ, قىلمىستىق سحەماعا تولىقتاي تەۋەلدٸ بولىپ قالادى.
جىل باسىنان بەرٸ ەسٸرتكٸگە قاتىستى قۇقىق بۇزۋشىلىقتار ٷشٸن 23 كەمەلەتكە تولماعان جاسٶسپٸرٸم ۇستالعان. بۇل ٶتكەن جىلمەن سالىستىرعاندا ەكٸ ەسە كٶپ.
قۇقىق قورعاۋ ورگاندارى مۇنداي قىلمىستار ٷشٸن جاۋاپكەرشٸلٸك ٶتە قاتاڭ ەكەنٸن ەسكەرتتٸ. قازاقستان زاڭناماسىنا سەيكەس, كەيبٸر باپتار بويىنشا قىلمىستىق جاۋاپكەرشٸلٸك 14–16 جاستان باستالادى.
اتاپ ايتقاندا:
– ەسٸرتكٸ زاتتارىن ساقتاۋ – 7 جىلعا دەيٸن باس بوستاندىعىنان ايىرۋ;
– ەسٸرتكٸنٸ ساتۋ نەمەسە تاسىمالداۋ – 7 جىلدان 12 جىلعا دەيٸن;
– ەسٸرتكٸنٸ ناسيحاتتاۋ – 6 جىلعا دەيٸن باس بوستاندىعىنان ايىرۋ.
قۇقىق قورعاۋ ورگاندارى اتا-انالاردى بالالاردىڭ ارالاساتىن ورتاسىنا جەنە ولاردىڭ تابىس كٶزدەرٸنە نازار اۋدارۋعا شاقىردى.
ال جاستارعا پوليتسييا مۇنداي ەرەكەتتەردٸڭ سالدارى اۋىر ەكەنٸن ەسكەرتەدٸ.
"قازٸردٸڭ ٶزٸندە 23 جاسٶسپٸرٸم قاماۋعا الىندى. ولاردىڭ قاتەلٸگٸن قايتالاماڭىزدار", – دەپ ەسكەرتتٸ ٸٸم ٶكٸلدەرٸ.
