Qazaqstannyń Ishki ister ministrligi ata-analarǵa úndeý jasap, jasóspirimderdi esirtki tasymaldaýǵa áleýmettik jeliler men messendjerler arqyly tartý jaǵdailary kóbeigenin eskertti, dep habarlaidy Dalanews.kz.
Politsiianyń málimetinshe, qylmystyq toptar jasóspirimderdi «zakladka» qoiýǵa tartý úshin olarǵa ońai ári tez tabys tabýdy ýáde etedi.
Alǵashynda usynys ziiansyz jumys siiaqty kórinedi. Alaida keiin jasóspirimder bopsalaý men qorqytýǵa tap bolyp, qylmystyq shemaǵa tolyqtai táýeldi bolyp qalady.
Jyl basynan beri esirtkige qatysty quqyq buzýshylyqtar úshin 23 kámeletke tolmaǵan jasóspirim ustalǵan. Bul ótken jylmen salystyrǵanda eki ese kóp.
Quqyq qorǵaý organdary mundai qylmystar úshin jaýapkershilik óte qatań ekenin eskertti. Qazaqstan zańnamasyna sáikes, keibir baptar boiynsha qylmystyq jaýapkershilik 14–16 jastan bastalady.
Atap aitqanda:
– esirtki zattaryn saqtaý – 7 jylǵa deiin bas bostandyǵynan aiyrý;
– esirtkini satý nemese tasymaldaý – 7 jyldan 12 jylǵa deiin;
– esirtkini nasihattaý – 6 jylǵa deiin bas bostandyǵynan aiyrý.
Quqyq qorǵaý organdary ata-analardy balalardyń aralasatyn ortasyna jáne olardyń tabys kózderine nazar aýdarýǵa shaqyrdy.
Al jastarǵa politsiia mundai áreketterdiń saldary aýyr ekenin eskertedi.
"Qazirdiń ózinde 23 jasóspirim qamaýǵa alyndy. Olardyń qateligin qaitalamańyzdar", – dep eskertti IIM ókilderi.
