ورالداعى تۇڭعىش پرەزيدەنت الاڭىندا 4 ماۋسىم – ق ر مەملەكەتتىك رامىزدەر كۇنىنە ارنالعان شارا ءوتتى، – دەپ حابارلايدى Dalanews.kz بقو اكىمىنىڭ باسپا ءسوز قىزمەتىنە سىلتەمە جاساپ.

سالتاناتتى جيىندا ق ر مەملەكەتتىك  گيمنى ورىندالىپ، مەملەكەتتىك تۋى كوتەرىلدى.

بقو اكىمىنىڭ ورىنباسارى باقىتجان نارىمبەتوۆ حالىقتى مەرەكەمەن قۇتتىقتادى.

– سىزدەردى 4 ماۋسىم – مەملەكەتتىك رامىزدەر كۇنىمەن شىن جۇرەكتەن قۇتتىقتايمىن! 1992 جىلى 4 ماۋسىمدا ەلىمىزدىڭ مەملەكەتتىك رامىزدەرى بەكىتىلدى. حالىقارالىق دەڭگەيدە مويىندالدى. بايراعىمىز بۇۇ-نىڭ تورىندە تۇر. ونى عارىشكەرلەرىمىز كوك جۇزىنە كوتەردى. الپينيستەرىمىز الەمنىڭ ەڭ بيىك شىڭدارىنا ورناتتى. سپورتشىلار جەڭىس تۇعىرىنان جەلبىرەتىپ، گيمنىمىزدى شىرقاتتى. كۇللى الەم قازاق ەلىن كوك بايراعىنا قاراپ تانيتىن بولدى.

مەملەكەتتىك رامىزدەر – تاۋەلسىزدىگىمىزدىڭ نىشانى، بابالارىمىزدىڭ ارمانى جانە اجىراماس بولىگى. پرەزيدەنتىمىز ۇلتتىق بىرەگەيلىگىمىزدى الەمدە دالەلدەيتىن ەكى فاكتوردى اتاپ ءوتتى. ول– ءبىزدىڭ كوك ءتولقۇجاتىمىز بەن كوك بايراعىمىز. كوك تۋدىڭ استىندا بىرىگىپ، ءبىر ۇلت بولىپ ۇيىسۋعا شاقىردى.

«بىرلىك بار جەردە تىرلىك بار!» دەگەن قازاقتىڭ دانا ءسوزى وسىندايدا ايتىلسا كەرەك. كەشەگى 100 جىلدا ءبىر قايتالاناتىن، سۋ تاسقىنىمەن كۇرەسۋدە قازاقستاننىڭ تۇپكىر-تۇپكىرىنەن اۆتوكولىكتەر مەن ازاماتتار ءوز ەرىكتەرىمەن كەلىپ، ۇلەس قوستى. حالقىمىزدىڭ ەرەن ەڭبەگى مەن بىرلىگىنىڭ ارقاسىندا 84 ەلدى مەكەن سۋ اپاتىنان امان قالدى.

وتانداستارىمىز زارداپ شەككەن جاندارعا جاپپاي قول ۇشىن سوزدى. بىر-بىرىنە شىنايى جاناشىر بولدى. سوندىقتان باتىس قازاقستان وبلىسى ناريمان تورەعالييەۆتىڭ اتىنان سۋ تاسقىنىنا قارسى كۇرەستە ۇلەس قوسقان ازاماتتارعا العىس ايتامىن.

ەلىمىز امان، جۇرتىمىز بولسىن! - دەدى باقىتجان حابەر ۇلى.

اكىم ورىنباسارى سۋ تاسقىنىنا بايلانىستى توتەنشە جاعداي ۋاقىتىندا ەل ءۇشىن ايانباي ەڭبەك ەتكەن ءبىر توپ ازاماتتى ماراپاتتادى.

ولاردىڭ اراسىندا جوو-نىڭ رەكتورلارى جانە ەرىكتىلەر بار.