تانىمال پروديۋسەر بايان الاگٶزوۆا اكتريسا مەرۋەرت ٶتەكەشەۆاعا ٶمٸر بويى اي سايىن 1 ميلليون تەڭگە كٶلەمٸندە قارجىلاي قولداۋ كٶرسەتەتٸنٸن مەلٸمدەگەن ەدٸ. اكتريسا توسىن سىيلىققا قاتىستى پٸكٸر بٸلدٸردٸ, دەپ حابارلايدى Dalanews.kz.
24KZ اكتريسامەن تٸلدەسٸپ, مەن-جايدى سۇراعان. اڭىز اكتريسا بۇل جاڭالىقتى ەلەۋمەتتٸك جەلٸدەن ەستٸپ, تاڭعالعانىن جاسىرماعان.
ونىڭ ايتۋىنشا, بايان الاگٶزوۆامەن وسى ۋاقىتقا دەيٸن بەتپە-بەت كەزدەسٸپ, سٶيلەسپەگەن.
"بۇل جاڭالىق مەن ٷشٸن كٷتپەگەن جەردەن بولدى. بايانمەن ٶمٸردە كەزدەسپەگەن ەكەنبٸز, جەكە تانىستىعىمىز جوق. بٸراق ونىڭ جۇمىستارىن سىرتتاي باقىلاپ, تالانتتى پروديۋسەر رەتٸندە قۇرمەتتەيمٸن", - دەدٸ مەرۋەرت ٶتەكەشەۆا.
جۇرتتى مازالاعان ساۋالدىڭ بٸرٸ - اتى اڭىزعا اينالعان "قىز جٸبەك" فيلمٸندەگٸ كامزولدىڭ بايان الاگٶزوۆاعا قالاي جەتكەنٸ.
"فيلم تٷسٸرٸلٸمٸنەن كەيٸن ول كامزولدى كٶرمەگەنمٸن. كينوستۋدييا جابىلعان كەزدە كوستيۋمدەردٸڭ بٸرٸ كوستيۋمەردٸڭ قولىندا كەتكەن بولۋى مٷمكٸن. كٸمنٸڭ قولىندا بولعانىنان بەيحابارمىن. دەگەنمەن سول جەدٸگەردٸ 50 جىل بويى كٶزدٸڭ قاراشىعىنداي ساقتاپ, بٷلدٸرمەي بٷگٸنگە جەتكٸزگەنٸ ٷشٸن العىسىمدى ايتامىن. كامزولدىڭ بايانعا بەرٸلگەنٸنە رەنجٸمەيمٸن. ول دا ٶنەر ادامى, قادٸرٸن بٸلەدٸ. بايان ونى بەرٸبٸر مۇراجايعا تاپسىراتىنىن ايتتى, بۇل شەشٸمٸنە ريزامىن" - دەيدٸ اكتريسا.
سونىمەن قاتار, مەرۋەرت ٶتەكەشەۆا بايان الاگٶزوۆانىڭ بۇل قادامىن ٶنەرگە دەگەن قۇرمەت دەپ تٷسٸنەتٸنٸن جەتكٸزدٸ.
"قۇمان ەكەۋٸمٸز ٶمٸر بويى حالىققا ەڭبەك ەتتٸك. بٸزدە بيزنەس بولعان جوق, بٸر جالاقىعا قاراپ جۇمىس ٸستەدٸك. سوندىقتان بايان بٸزدٸڭ جاعدايىمىزدى تٷسٸنٸپ, وسىنداي ٸزگٸ نيەت تانىتىپ وتىر دەپ ويلايمىن", - دەدٸ اكتريسا.
پروديۋسەردٸڭ ۇسىنعان سىي-سيياپاتىن قابىلداۋ مەسەلەسٸنە كەلگەندە, مەرۋەرت ٶتەكەشەۆا ەلٸ ناقتى شەشٸمٸن ايتپاعان. سەبەبٸ ەكٸ تاراپ ەلٸ كەزدەسٸپ, جٷزبە-جٷز سٶيلەسپەگەن.
ەسكە سالايىق, بۇعان دەيٸن مەرۋەرت ٶتەكەشەۆا ٶمٸرٸنٸڭ سوڭىنا دەيٸن كەسٸپكەردەن ارنايى زەينەتاقى الاتىنىن جازدىق.
