الماتىداعى كافەلەردىڭ بىرىندە تۋعان كۇن كەشى كەزىندە تورتقا قويىلعان فەيەرۆەرك-شامدار سالدارىنان ءورت شىقتى، دەپ حابارلايدى Dalanews.kz.

وقيعا 29 ساۋىرگە قاراعان ءتۇنى دوستىق داڭعىلىندا ورنالاسقان Friendly كافەسىندە بولدى.

ۆەدومستۆو مالىمەتىنشە، تۇنگى ۋاقىتتا مەكەمەدە تۋعان كۇن تويلانىپ جاتقان. تورتتى بەزەندىرۋ ءۇشىن فەيەرۆەرك-شامدار قولدانىلعان. سونىڭ سالدارىنان جوعارى تەمپەراتۋرا اسەرىنەن عيمارات ىشىندەگى ساندىك ەلەمەنتتەر تۇتانعان.

تجد مالىمەتىنشە، نىسان يەسى ءورت قاۋىپسىزدىگى تالاپتارىن بۇزعانى جانە ءورت تۋرالى دەر كەزىندە حابارلاماعانى ءۇشىن جاۋاپكەرشىلىككە تارتىلدى.

جالپى ايىپپۇل كولەمى 129 750 تەڭگە.