پروكۋراتۋرا رەسەيگە باراتىن قازاقستاندىقتارعا ماڭىزدى ۇندەۋ جاسادى، - دەپ حابارلايدى Dalanews.kz.
رەسەي فەدەراسياسىنىڭ قولدانىستاعى زاڭناماسىنا سايكەس ادىراسپان قۇرامىندا ەسىرتكى نەمەسە پسيحوتروپ زاتتار نەمەسە ولاردىڭ پرەكۋرسورلارى بار وسىمدىكتەر تىزىمىنە ەنگىزىلگەن.
"بۇل وسىمدىكتى رەسەي فەدەراسياسىنىڭ مەملەكەتتىك شەكاراسى ارقىلى زاڭسىز وتكىزگەنى ءۇشىن ءۇش جىلدان جەتى جىلعا دەيىنگى مەرزىمگە باس بوستاندىعىنان ايىرۋ جانە ءبىر ميلليون رۋبلگە دەيىنگى نەمەسە سوتتالعان ادامنىڭ بەس جىلعا دەيىنگى كەزەڭدە جالاقىسى نەمەسە باسقا كىرىسى مولشەرىندە ايىپپۇل تۇرىندە نەمەسە ونسىز جانە ءبىر جىلعا دەيىنگى مەرزىمگە باس بوستاندىعىن شەكتەۋمەن نەمەسە ونسىز قىلمىستىق جاۋاپتىلىق قاراستىرىلعان، ال وسىمدىكتى اسا ءىرى مولشەردە اكەلگەنى ءۇشىن 15 جىلدان 20 جىلعا دەيىن باس بوستاندىعىنان ايىرۋ كوزدەلگەن"، - دەپ جازىلعان حابارلامادا.
رەسەي فەدەراسياسىنىڭ اۋماعىنا دەمالىس كەزىندە كەتەتىن ازاماتتار سانى ارتۋىنا بايلانىستى قىلمىستىق جاۋاپكەرشىلىكتى بولدىرماۋ ماقساتىندا باس پروكۋراتۋرا قازاقستاندىقتارعا بۇل وسىمدىكتى رەسەي فەدەراسياسىنىڭ مەملەكەتتىك شەكاراسى ارقىلى وتكىزبەۋ كەرەگىن ەسكەرتەدى.
