Prokýratýra Reseıge baratyn qazaqstandyqtarǵa mańyzdy úndeý jasady, - dep habarlaıdy Dalanews.kz.
Reseı Federasıasynyń qoldanystaǵy zańnamasyna sáıkes adyraspan quramynda esirtki nemese psıhotrop zattar nemese olardyń prekýrsorlary bar ósimdikter tizimine engizilgen.
"Bul ósimdikti Reseı Federasıasynyń memlekettik shekarasy arqyly zańsyz ótkizgeni úshin úsh jyldan jeti jylǵa deıingi merzimge bas bostandyǵynan aıyrý jáne bir mıllıon rúblge deıingi nemese sottalǵan adamnyń bes jylǵa deıingi kezeńde jalaqysy nemese basqa kirisi mólsherinde aıyppul túrinde nemese onsyz jáne bir jylǵa deıingi merzimge bas bostandyǵyn shekteýmen nemese onsyz qylmystyq jaýaptylyq qarastyrylǵan, al ósimdikti asa iri mólsherde ákelgeni úshin 15 jyldan 20 jylǵa deıin bas bostandyǵynan aıyrý kózdelgen", - dep jazylǵan habarlamada.
Reseı Federasıasynyń aýmaǵyna demalys kezinde ketetin azamattar sany artýyna baılanysty qylmystyq jaýapkershilikti boldyrmaý maqsatynda Bas prokýratýra qazaqstandyqtarǵa bul ósimdikti Reseı Federasıasynyń memlekettik shekarasy arqyly ótkizbeý keregin eskertedi.
