مەملەكەتتىك اۋديتتەن كەيىن ءبىلىم بەرۋ سالاسىنداعى لاۋازىمدى ادامدار تارتىپتىك جاۋاپكەرشىلىككە تارتىلدى، دەپ حابارلايدى Dalanews.kz.
وقۋ-اعارتۋ مينيسترلىگىنىڭ، قازاقستاننىڭ جەتەكشى جوعارى وقۋ ورىندارىنىڭ جانە «دارىن» رەسپۋبليكالىق عىلىمي-پراكتيكالىق ورتالىعىنىڭ لاۋازىمدى ادامدارى مەن قىزمەتكەرلەرى تارتىپتىك جاۋاپكەرشىلىككە تارتىلدى. جوعارى اۋديتورلىق پالاتانىڭ تاپسىرماسى بويىنشا ءتيىستى شارالار قابىلداندى.
بيىل اقپاندا ورتا ءبىلىم بەرۋدى دامىتۋعا بولىنگەن بيۋدجەت قاراجاتىنىڭ پايدالانىلۋ تيىمدىلىگىن باعالاۋ بويىنشا مەملەكەتتىك اۋديت جۇرگىزىلدى. تەكسەرۋ بارىسىندا اۋديتورلار پەداگوگتەردى دايارلاۋ مەن جۇمىسقا ورنالاستىرۋ، ءبىلىم بەرۋ پروسەسىن ءادىسنامالىق قامتاماسىز ەتۋ، مەملەكەتتىك رەتتەۋ بولىگىندە جانە ت. ب. ءبىرقاتار پروبلەمالىق ماسەلە مەن كەمشىلىكتەردى انىقتادى. وسىعان بايلانىستى جوعارى اۋديتورلىق پالاتا ۋاكىلەتتى مەملەكەتتىك ورگاندار مەن ۇيىمداردىڭ باسشىلىعىنا زاڭنامانى بۇزۋعا جول بەرگەن لاۋازىمدى ادامداردى جاۋاپكەرشىلىككە تارتۋ ماسەلەسىن قاراۋدى تاپسىردى. ناتيجەسىندە:
- ق ر وقۋ-اعارتۋ مينيسترلىگىنىڭ ورتا ءبىلىم بەرۋ كوميتەتى ءتوراعاسىنىڭ ورىنباسارى؛
- ق ر وقۋ-اعارتۋ مينيسترلىگىنىڭ ءبىلىم بەرۋ سالاسىندا ساپانى قامتاماسىز ەتۋ كوميتەتى ءتوراعاسىنىڭ ورىنباسارى؛
- ش. ەسەنوۆ اتىنداعى كاسپيي تەحنولوگيا جانە ينجينيرينگ ۋنيۆەرسيتەتىنىڭ رەكتورى؛
- ق.ا. ياسساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ رەكتورى؛
- ى. التىنسارين اتىنداعى ارقالىق پەداگوگيكالىق ينستيتۋتىنىڭ پرورەكتورى؛
- س. امانجولوۆ اتىنداعى شىعىس قازاقستان ۋنيۆەرسيتەتىنىڭ پرورەكتورى؛
- ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ پرورەكتورى؛
- م. وتەمىسوۆ اتىنداعى باتىس قازاقستان ۋنيۆەرسيتەتىنىڭ پرورەكتورى؛
- قورقىت اتا اتىنداعى قىزىلوردا ۋنيۆەرسيتەتىنىڭ پرورەكتورى؛
- اكادەميك ا. قۋاتبەكوۆ اتىنداعى حالىقتار دوستىعى ۋنيۆەرسيتەتىنىڭ پرورەكتورى؛
- ش. مۇرتازا اتىنداعى تاراز حالىقارالىق يننوۆاسيالىق ينستيتۋتىنىڭ پرورەكتورى؛
- م. قوزىبايەۆ اتىنداعى سولتۇستىك قازاقستان ۋنيۆەرسيتەتىنىڭ دەكانى؛
- ا. مىرزاحمەتوۆ اتىنداعى كوكشەتاۋ ۋنيۆەرسيتەتىنىڭ كافەدرا مەڭگەرۋشىلەرى؛
- ى. التىنسارين اتىنداعى ۇلتتىق ءبىلىم اكادەمياسىنىڭ قارجى-ەكونوميكالىق دەپارتامەنتىنىڭ ديرەكتورى جانە اعا عىلىمي قىزمەتكەرلەرىنىڭ ءبىرى؛
- م. اۋەزوۆ اتىنداعى وڭتۇستىك قازاقستان ۋنيۆەرسيتەتىنىڭ ماماندارى ءارتۇرلى تارتىپتىك جاۋاپكەرشىلىككە تارتىلدى.
- سونداي-اق «دارىن» رەسپۋبليكالىق عىلىمي-پراكتيكالىق ورتالىعىنىڭ ءبولىم باسشىلارى مەن ادىسكەرلەرى تارتىپتىك جاۋاپكەرشىلىككە تارتىلدى.
