مەجٸلٸستٸڭ جالپى وتىرىسىندا دەپۋتات ايداربەك قوجانازاروۆ قارجى نارىعىن رەتتەۋ جەنە دامىتۋ اگەنتتٸگٸنٸڭ تٶرايىمى مەدينا ەبٸلقاسىموۆاعا ساۋال جولدادى. ول يسلامدىق بانكينگكە قاتىستى جاڭا زاڭ جوباسىنىڭ تيٸمدٸلٸگٸ مەن ونىڭ ەلٸمٸزدٸڭ قارجى جٷيەسٸنە ىقپالى جٶنٸندە سۇراق قويدى, دەپ حابارلايدى Dalanews.kz.
دەپۋتاتتىڭ ايتۋىنشا, يسلام قارجىلاندىرۋ تەتٸكتەرٸن ەنگٸزۋ حالىقتىڭ سەنٸمٸن ارتتىرۋمەن قاتار, بانك سەكتورىندا ەدٸل جەنە اشىق قاعيداتتاردى نىعايتۋعا مٷمكٸندٸك بەرۋٸ تيٸس.
قارجى نارىعىن رەتتەۋ جەنە دامىتۋ اگەنتتٸگٸنٸڭ تٶرايىمى مەدينا ەبٸلقاسىموۆانىڭ ايتۋىنشا, ەلٸمٸزدە يسلامدىق بانكينگتٸ دامىتۋ باعىتىندا ناقتى قادامدار جاسالىپ جاتىر. بۇعان دەيٸن مۇنداي قىزمەت كٶرسەتۋ ٷشٸن جەكە يسلام بانكٸن قۇرۋ قاجەت بولسا, ەندٸ جۇمىس ٸستەپ تۇرعان ەمبەباپ بانكتەر ٶز قۇرىلىمىندا ارنايى "يسلامدىق بٶلٸمشە" اشا الادى.
"قارجىلاندىرۋدىڭ بالاما تەتٸكتەرٸن كەڭەيتۋ ماقساتىندا ەمبەباپ بانكتەرگە قولدانىستاعى ليتسەنزييا نەگٸزٸندە يسلامدىق بانك وپەراتسييالارىن جٷزەگە اسىرۋ قۇقىعىن بەرۋ ۇسىنىلادى. بۇل بانكتەرگە جەكە ينستيتۋت اشپاي-اق, ٶز بٶلٸمشەلەرٸ ارقىلى يسلام قارجى ٶنٸمدەرٸن ۇسىنۋعا مٷمكٸندٸك بەرەدٸ", - دەدٸ مەدينا ەبٸلقاسىموۆا مەجٸلٸستٸڭ جالپى وتىرىسىندا.
مۇنداي بٶلٸمشەلەردە بۋحگالتەرلٸك ەسەپ پەن قارجىلىق باقىلاۋ جەكە جٷرگٸزٸلەدٸ, قىزمەتكەرلەر ارنايى دايىندىقتان ٶتەدٸ. سونىمەن قاتار, بارلىق وپەراتسييالار مەن ٶنٸمدەر شاريعات كەڭەسٸنٸڭ ماقۇلداۋىنان ٶتٸپ, تەۋەلسٸز اۋديت تەكسەرٸسٸنەن ٶتەدٸ. بۇل يسلامدىق بانكينگ قاعيدالارىنىڭ تولىق ساقتالۋىن قامتاماسىز ەتۋگە باعىتتالعان.
سونداي-اق قوجانازاروۆ ەمبەباپ بانكتەرگە يسلامدىق بانك وپەراتسييالارىن جٷرگٸزۋ قۇقىعىن بەرۋ كەزٸندە شاريعات تالاپتارىنىڭ تولىق ساقتالۋىنا جەنە قاداعالاۋ مەحانيزمدەرٸنٸڭ ناقتى بولۋىنا نازار اۋداردى.
