ۇلتتىق بانك بازالىق مولشەرلەمەگە قاتىستى شەشىم شىعاردى، دەپ حابارلايدى Dalanews.kz.
قازاقستان رەسپۋبليكاسى ۇلتتىق بانكىنىڭ اقشا-كرەديت ساياساتى جونىندەگى كوميتەتى بازالىق مولشەرلەمەنى جىلدىق 16،50% دەڭگەيىندە بەلگىلەدى. پايىزدىق ءدالىز +/- 1،0 پ.ت. قۇرادى.
شەشىم قابىلدانعاندا ناقتى دەرەكتەردى، جاڭارتىلعان بولجامدار مەن ينفلياسيالىقتاۋەكەلدەردىڭ بالانسىن باعالاۋ بارىسى ەسكەرىلگەن. باعانىڭ اعىمداعى ءوسۋ قارقىنى جوعارى دەڭگەيگە جەتىپ كەلەدى. بۇل ءوز كەزەگىندە اقشا-كرەديت شارتتارىن ايتارلىقتاي جەڭىلدەتەدى. سوندىقتان ينفلياسيانىڭ ءوسۋ تاۋەكەلىن ازايتۋ ءۇشىن بەلسەندى ءارى پارمەندى شارالار قاجەت.
ينفلياسيانىڭ بارلىق كورسەتكىشىندە ءوسۋ بايقالادى. جىلدىق ينفلياسيا اقپاندا 9،4%-عا دەيىن جەدەلدەدى. بارلىق كومپونەنت بويىنشا باعانىڭ ءوسۋ قارقىنى جەدەلدەگەنى بايقالادى. اسىرەسە قىزمەتتەر باعاسىنىڭ ءوسۋى ايتارلىقتاي ۇلەس قوسىپ وتىر. اقپاندا ايلىق ينفلياسيا ەداۋىر ءوسىپ، ورتاشا تاريحي ديناميكادان ايتارلىقتاي اسىپ ءتۇستى. ايلىق بازالىق جانە ماۋسىمدىق فاكتورلاردان تازارتىلعان ينفلياسيا كورسەتكىشتەرىنەن (تيىسىنشە، اقپاندا ءبىر جىلعا ەسەپتەگەندە – 14،2% جانە 16،9%) فيسكالدىق ىنتالاندىرۋ جانە تۇتىنۋشىلىق كرەديت بەرۋدىڭ (2024 جىلدىڭ قورىتىندىسى بويىنشا جىلما-جىل 33،5% ءوسىم) شامادان اسىپ كەتۋجاعدايىندا ىشكى سۇرانىس جاعىنان قىسىمنىڭ ايتارلىقتاي ۇدەگەنى كورىنەدى. سونىمەن بىرگە اقپاندا حالىقتىڭ ينفلياسيالىق كۇتۋلەرى تاعى دا 13،7%-عا دەيىن ءوستى.
رەسەيدە ينفلياسيا قارقىن الا تۇسكەندىكتەن، سىرتقى سەكتوردىڭ باعاعا اسەرى كۇشەيدى. 2024 جىلعى جەلتوقساننان باستاپ ءبىرشاما تومەندەگەنىنە قاراماستان، الەمدەگى ازىق-تۇلىك باعاسى ءالى دە جوعارى دەڭگەيدە. قازىرگى ۋاقىتتا باعانىڭ جاھاندىق ءوسۋى ورنىقتى بولىپ وتىر. ينفلياسيالىق جانە گەوساياسي تاۋەكەلدەر ساقتالۋدا جانە ولار ورتالىق بانكتەردىڭ قاتاڭ اقشا-كرەديت ساياساتى مەن ريتوريكاسىنا نەگىز بولدى.
