قارۋلى كٷشتەردە بٸرىڭعاي اشىق ەسٸك كٷنٸ ٶتتٸ. ونىڭ اياسىندا ەلٸمٸزدٸڭ ەر ٶڭٸرٸندەگٸ 50-دەن استام ەسكەري بٶلٸم كەلۋشٸلەرگە ەسٸگٸن اشتى. ٸس-شاراعا 15 مىڭنان استام ادام قاتىستى. ولاردىڭ قاتارىندا مەكتەپ وقۋشىلارى, ستۋدەنتتەر, پەداگوگتەر, سونداي-اق مەرزٸمدٸ ەسكەري قىزمەتشٸلەردٸڭ اتا-انالارى مەن جاقىندارى بار, دەپ حابارلايدى Dalanews.kz
اكتسييا قارۋلى كٷشتەردٸڭ بارلىق تٷرلەرٸ مەن ەسكەر تەكتەرٸن قامتىدى: قۇرلىق ەسكەرلەرٸ, ەۋە قورعانىسى كٷشتەرٸ, ەسكەري-تەڭٸز كٷشتەرٸ, دەسانتتىق-شابۋىلداۋ ەسكەرلەرٸ جەنە ارنايى وپەراتسييالار كٷشتەرٸ. قوناقتار ارمييا تىنىس-تٸرشٸلٸگٸن ٸشٸنەن كٶرٸپ, ەسكەري قىزمەت تۋرالى جان-جاقتى تٷسٸنٸك الدى.
– بٸز ەسكەري قىزمەتتٸڭ ٶتۋ بارىسىن بارىنشا اشىق كٶرسەتەمٸز. بۇل جاستار ٷشٸن دە, اتا-انالار ٷشٸن دە ماڭىزدى. ارمييا – مٸنەز, تەرتٸپ پەن جاۋاپكەرشٸلٸك قالىپتاساتىن ٶمٸر مەكتەبٸ, – دەدٸ تەربيە جەنە يدەولوگييالىق جۇمىستار دەپارتامەنتٸنٸڭ باستىعى ەدٸلەت پولكوۆنيگٸ تٸلەۋحان باسقوجاەۆ.
باعدارلامانىڭ پراكتيكالىق بٶلٸگٸ ەرەكشە قىزىعۋشىلىق تۋدىردى. مەكتەپ وقۋشىلارى مەن ستۋدەنتتەر ەسكەري قىزمەتشٸلەردٸڭ جاتتىعۋلارىن تاماشالاپ, ەسكەري تەحنيكامەن جەنە تٷرلٸ بٶلٸمشەلەردٸڭ جۇمىسىمەن تانىستى. سونىمەن قاتار ولار ٶزدەرٸن بولاشاق وتان قورعاۋشىسى رەتٸندە سىناپ كٶردٸ.
ەلورداداعى №13 مەكتەپتٸڭ 9-سىنىپ وقۋشىسى دايانا گۋلياەۆا العان ەسەرٸمەن بٶلٸستٸ:
– بۇعان دەيٸن مۇنداي تەحنيكانى تەك فيلمدەر مەن جاڭالىقتاردان كٶرەتٸنبٸز. بٷگٸن ونى ٶز كٶزٸمٸزبەن كٶرٸپ, تٸپتٸ قولمەن ۇستاۋعا مٷمكٸندٸك الدىق. ەسٸرەسە زاماناۋي دروندار مەن بروندى تەحنيكا ەرەكشە ەسەر قالدىردى. بۇل – ارمييامىزعا دەگەن ماقتانىش سەزٸمٸن وياتاتىن ماڭىزدى سەت.
باعدارلاما ساپتىق الاڭداعى كٶرنەكٸ قويىلىمدارمەن اياقتالدى. ەسكەري قىزمەتشٸلەر ساپتىق دايىندىق ەلەمەنتتەرٸن, قويان-قولتىق ۇرىس تەسٸلدەرٸن جەنە تاكتيكالىق ٸس-قيمىل ەپيزودتارىن كٶرسەتتٸ.
ٸس-شارا سوڭىندا قوناقتارعا سارباز بوتقاسى ۇسىنىلدى. اشىق ەسٸك كٷنٸن تۇراقتى تٷردە ٶتكٸزۋ قوعامنىڭ ارميياعا دەگەن سەنٸمٸن نىعايتىپ, جاستاردىڭ ەسكەري قىزمەتكە قىزىعۋشىلىعىن ارتتىرۋعا جەنە ونىڭ بەدەلٸن كٶتەرۋگە ىقپال ەتەدٸ.
