قازاقستاندىق پروديۋسەر بايان الاگٶزوۆا “قىز جٸبەك” فيلمٸندەگٸ كەيٸپكەردٸڭ كامزولىنا قاتىستى داۋعا پٸكٸر بٸلدٸردٸ دەپ حابارلايدى Dalanews.kz.
بۇل وقيعا قوعامدا كەڭ رەزونانس تۋدىرعان بولاتىن. قازٸرگٸ ۋاقىتتا پروديۋسەر ىستامبۇلدا جٷر.
الاگٶزوۆا ەلەۋمەتتٸك جەلٸدەگٸ پاراقشاسىندا جاعدايعا قاتىستى ٶز ويىن اشىق جەتكٸزگەن.
“ۇلتتىق قۇندىلىق سانالاتىن “قىز جٸبەك” كامزولى وليگارحتىڭ ەيەلٸنٸڭ قولىنا ٶتٸپ كەتٸپتٸ دەگەن ايىپ تاعىلىپ جاتىر. سٶيتسەم, مەنٸڭ ەندٸ اتىم دا, اتاعىم دا, ەل مەدەنيەتٸ مەن ٶنەرٸنە سٸڭٸرگەن ەڭبەگٸم دە جوق بولىپ شىقتى. سوندىقتان, ديۆاندا وتىرىپ پٸكٸر جازاتىن جۋرناليستەر, الدىمەن “وليگارح” دەگەننٸڭ نە ەكەنٸن قاراپ الىڭىزدار. مەنٸڭ كٷيەۋٸم وليگارح ەمەس, ەل قازىناسىنا قوماقتى سالىق تٶلەيتٸن ادال كەسٸپكەر”, – دەدٸ ول.
پروديۋسەردٸڭ سٶزٸنشە, كامزولعا ونداعان جىل بويى ەشكٸم نازار اۋدارماعان.
“بٷكٸل ەلدٸ شۋلاتپاس بۇرىن, ٶزدەرٸڭٸز ايتىپ وتىرعان مەدەني شوكقا قاراڭىزدار. نەگە 50 جىلدان استام ۋاقىت بۇل كامزول ەشكٸمگە كەرەك بولمادى? نەگە ەشكٸم ونىڭ قايدا ەكەنٸن سۇرامادى? ۇلى فيلمنٸڭ كوستيۋمدەرٸن كٸم ساقتادى? ەشكٸم ساقتاعان جوق! ونى قوقىسقا تاستاتپاي, بٸر ۇلى ەيەل عانا امان الىپ قالدى. 30 جىل بۇرىن قازاقستانداعى بٸردە-بٸر باسشىلىق “قىز جٸبەك” فيلمٸنٸڭ كوستيۋمدەرٸ قايدا دەپ سۇرامادى. سەبەبٸ ول ەشكٸمگە قاجەت بولمادى. ال قازٸر قۇجات بويىنشا جويىلىپ كەتكەن, ەلدەقاشان قوقىسقا اينالۋى تيٸس كامزول بەرٸنٸڭ كٶمەيٸنە كەپتەلگەندەي بولدى”, – دەپ اشۋلاندى الاگٶزوۆا.
ونىڭ ايتۋىنشا, كامزولدى وعان بۇرىن قويمادا جۇمىس ٸستەگەن ەيەل سىيلاعان.
“بۇل كوستيۋم ەشكٸمگە تيەسٸلٸ ەمەس, ەشبٸر قۇجاتتا تٸركەلمەگەن. ونى ەلگٸ ەيەل ٷيٸندە ساقتاپ كەلگەن. كەيٸن ونى سەنٸمدٸ قولعا بەرگٸسٸ كەلدٸ. جىلىنا 30 ادام عانا باراتىن مۋزەيگە ەمەس. “قازاقفيلم” مۋزەيٸنە قانشا ادام بارادى? وندا قانداي كوستيۋمدەر بارىن بٸلەسٸزدەر مە? ال مەن بۇل كامزولدى دامىتامىن. ەرتەڭ ونىڭ 600 كٶشٸرمەسٸن تٸكتٸرٸپ, ەر ادام ونىڭ “قىز جٸبەك” كامزولى ەكەنٸن بٸلەتٸن بولادى. مەندە ونداي يدەيا بۇرىننان بار ەدٸ”, – دەدٸ ول.
پروديۋسەر بۇل بۇيىمدى كەڭٸنەن ناسيحاتتاۋدى كٶزدەيتٸنٸن ايتتى.
“بۇل كامزولدىڭ “قازاقفيلمگە” نەمەسە باسقا بٸرەۋگە تيەسٸلٸ ەكەنٸن دەلەلدەيتٸن بٸردە-بٸر قۇجات جوق. سوندىقتان بۇل – مەنٸڭ كامزولىم ەكەنٸن مويىنداۋ كەرەك. مەن ونى بارىنشا دەرٸپتەپ, ۇلى سۋرەتشٸ گٷلفايرۋس ىسمايىلوۆا جاساعان سۇلۋلىقتى حالىققا تانىتامىن”, – دەدٸ الاگٶزوۆا.
سونىمەن قاتار, ول الداعى جوسپارىن دا بٶلٸستٸ.
“ٶركەنيەتتٸ ەلدەردە كەز كەلگەن ادام ۇلى تۇلعالارعا تيەسٸلٸ زاتتاردى ساتىپ الىپ, يەلٸك ەتە الادى. ايتپاقشى, مەنٸڭ گاردەروبىمدا ۇلى روزا باعلانوۆانىڭ كوستيۋمٸ بار. ەندٸ سوعان دا ايىپ تاعاسىزدار ما? الداعى ۋاقىتتا دا ۇلى ەيەلدەردٸڭ كوستيۋمدەرٸن ساتىپ العىم كەلەدٸ. روزا رىمباەۆادان دا ساتىپ الۋدى جوسپارلاپ وتىرمىن. بۇل – مەنٸڭ جەكە قالاۋىم”, – دەپ تٷيٸندەدٸ پروديۋسەر.
ەسكە سالايىق, ەلەۋمەتتٸك جەلٸدە پروديۋسەر بايان الاگۋزوۆا جارييالاعان جازبادان كەيٸن «قىز جٸبەك» فيلمٸندەگٸ كوستيۋمگە قاتىستى جاعداي تەكسەرٸلٸپ جاتقانى حابارلانعان بولاتىن.
