قازاقستان ينۆەستورلار, بيزنەس ٶكٸلدەرٸ جەنە ٶزگە دە شەتەل ازاماتتارى ٷشٸن ەلگە كٸرۋ, ۆيزا رەسٸمدەۋ جەنە رۇقسات قۇجاتتارىن الۋ تەرتٸبٸن وڭتايلاندىرۋدا, دەپ حابارلايدى Dalanews.kz
جەڭٸلدەتٸلگەن جەنە ينۆەستيتسييالىق رەجيمدەر اياسىندا تٷرلٸ پرەفەرەنتسييالاردىڭ كەڭ اۋقىمى ۇسىنىلعان. بۇل دەگەنٸمٸز – ينۆەستورلار مەن كەسٸپكەرلەر ارنايى ۆيزالىق رەجيمدەردٸ, ٶتٸنٸمدەردٸ جەدەل قاراۋ رەسٸمدەرٸن, سونداي-اق ينۆەستيتسييالىق جوبالاردى سٷيەمەلدەۋ تەتٸكتەرٸن پايدالانا الادى دەگەن سٶز.
جەڭٸلدەتٸلگەن شارتتار سۇرانىسقا يە ماماندىقتار بويىنشا قازاقستاندا جۇمىس ٸستەۋ ٷشٸن كەلەتٸن شەتەل ازاماتتارىنا, سونداي-اق مەملەكەتتٸك ورگانداردىڭ قولداۋحاتى بولعان جاعدايدا ەكونوميكالىق جەنە ەلەۋمەتتٸك جوبالارعا قاتىسۋشىلارعا دا قولجەتٸمدٸ.
تسيفرلىق تەحنولوگييالاردىڭ قارقىندى دامۋى جاھاندىق ەڭبەك نارىعىن تٷبەگەيلٸ ٶزگەرتۋدە. ەلەمدە جاساندى ينتەللەكتپەن جۇمىس ٸستەۋ داعدىلارى بار ماماندارعا سۇرانىس ارتىپ كەلەدٸ. وسىعان بايلانىستى سۇرانىسقا يە ماماندىقتار تٸزٸمٸندە ەرەكشە نازار ٸت سالاسىنا اۋدارىلعان (جاساندى ينتەللەكت ينجەنەرٸ, اقپاراتتىق جٷيەلەر ارحيتەكتورى, قوسىمشا ەزٸرلەۋشٸ, اقپاراتتىق قاۋٸپسٸزدٸك ينجەنەرٸ جەنە ت.ب.). سونىمەن قاتار دەنساۋلىق ساقتاۋ (نەيروحيرۋرگ, گەماتولوگ, ونكولوگ, سەۋلەلٸك دياگنوستيكا دەرٸگەرٸ جەنە ت.ب.), كرەاتيۆتٸ يندۋسترييا (گرافيكالىق ديزاينەر, دىبىس رەجيسسەرٸ, گرافيكالىق انيماتسييا تەحنيگٸ جەنە ت.ب.), جاراتىلىستانۋ عىلىمدارى, ينجەنەرلٸك جەنە ٶڭدەۋ سالالارىندا دا (فارماتسەۆتيكالىق ٶندٸرٸس ينجەنەر-تەحنولوگى, لازەرلٸك جابدىقتار ينجەنەرٸ, باكتەريولوگ جەنە ت.ب.) سۇرانىس جوعارى.
ەۋرازييالىق ەكونوميكالىق وداققا (ارمەنييا رەسپۋبليكاسى, بەلارۋس رەسپۋبليكاسى, قىرعىزستان, رەسەي فەدەراتسيياسى) مٷشە مەملەكەتتەردٸڭ ازاماتتارى ٷشٸن دە قولايلى جاعدايلار جاسالعان.
ەاەو اياسىندا قاتىسۋشى ەلدەردٸڭ ازاماتتارى قازاقستان اۋماعىندا رۇقسات قۇجاتتارىن الماي-اق ەركٸن جۇمىسقا ورنالاسۋ قۇقىعىنا يە. بۇل جۇمىس كٷشٸنٸڭ جوعارى موبيلدٸلٸگٸن قامتاماسىز ەتٸپ, ەكونوميكالىق ىنتىماقتاستىقتىڭ دامۋىنا وڭ ەسەرٸن تيگٸزەدٸ. ايتا كەتۋ كەرەك, دەل وسىنداي قاعيدات بويىنشا قازاقستاندىقتار دا وداققا مٷشە ەلدەردە ەڭبەك ەتۋدە.
وداققا مٷشە ەمەس ەلدەردٸڭ ازاماتتارى ٷشٸن ەڭبەك نارىعىنىڭ قاجەتتٸلٸكتەرٸ مەن كۆوتالاۋ نەگٸزٸندە قۇرىلعان جۇمىس كٷشٸن تارتۋ جٷيەسٸ قولدانىلادى. بۇل تەسٸل ەكونوميكا مٷددەلەرٸ مەن ٸشكٸ ەڭبەك نارىعىن قورعاۋ اراسىنداعى تەپە-تەڭدٸكتٸ ساقتاۋعا مٷمكٸندٸك بەرەدٸ. وسىلايشا قازاقستان اشىق ەرٸ تەڭگەرٸمدٸ كٶشٸ-قون ساياساتىن قالىپتاستىرىپ كەلەدٸ.
2026 جىلدىڭ باسىنان بەرٸ سۇرانىسقا يە ماماندىقتار بويىنشا شەتەلدٸك جۇمىس كٷشٸن تارتۋعا 5,1 مىڭ رۇقسات بەرٸلدٸ, ال ەڭبەك يمميگرانتتارىنا شامامەن 75 مىڭ رۇقسات رەسٸمدەلدٸ.
قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸ ٸشكٸ ەڭبەك نارىعىن قورعاۋ ماقساتىندا جىل سايىن جۇمىس بەرۋشٸلەردٸڭ سۇرانىسىنا سەيكەس شەتەلدٸك جۇمىس كٷشٸن تارتۋ كۆوتاسىن بەلگٸلەپ, بٶلەدٸ.
2026 جىلعا ارنالعان شەتەلدٸك جۇمىس كٷشٸن تارتۋ كۆوتاسى 23,6 مىڭ ادامدى قۇرايدى, ال ەڭبەك يمميگرانتتارىن تارتۋ كۆوتاسى 221,8 مىڭ ادام دەڭگەيٸندە ايقىندالعان.
سونىمەن قاتار ەلدٸڭ ورنىقتى دامۋىن قامتاماسىز ەتۋگە جەنە قازاقستانمەن ٶز بولاشاعىن بايلانىستىراتىن, ياعني ازاماتتىق الۋعا نيەتتٸ شەتەل ازاماتتارىن قابىلداۋ ساپاسىن ارتتىرۋعا باعىتتالعان كٶشٸ-قون ساياساتى جٷيەلٸ تٷردە جەتٸلدٸرٸلۋدە.
وسىعان بايلانىستى تۇراقتى تۇرۋعا رۇقسات الۋ تەتٸگٸنٸڭ زاماناۋي تسيفرلىق تەسٸلدەر مەن اشىقتىق قاعيداتتارىنا نەگٸزدەلگەن جاڭارتىلعان تەتٸگٸ ەنگٸزٸلۋدە.
جاڭا تەرتٸپ ٷمٸتكەرلەردٸ كەزەڭ-كەزەڭٸمەن باعالاۋدى كٶزدەيدٸ: مەملەكەتتٸك تٸلدٸ بازالىق دەڭگەيدە مەڭگەرۋٸن تەكسەرۋ, ساۋالنامالىق دەرەكتەردٸ تالداۋ, تسيفرلىق سكورينگ, ۋەكٸلەتتٸ مەملەكەتتٸك ورگاندار تاراپىنان تەكسەرۋلەر, سونداي-اق قورىتىندى سۇحبات.
بۇل تەتٸك قازاقستاندى ۇزاق مەرزٸمگە قونىستانىپ, قوعام ٶمٸرٸنە بەلسەندٸ ارالاساتىن ەل رەتٸندە تاڭدايتىن ازاماتتارعا باعىتتالعان.
اتالعان تەسٸلدٸ ٸسكە اسىرۋ تۇراقتى تۇرۋعا نيەتتٸ ادامداردى نەعۇرلىم دەل ەرٸ تەڭگەرٸمدٸ قابىلداۋدى قامتاماسىز ەتٸپ, كٶشٸ-قون ٷدەرٸستەرٸنٸڭ تيٸمدٸلٸگٸن ارتتىرۋعا جەنە ەلەۋمەتتٸك تۇراقتىلىقتى نىعايتۋعا مٷمكٸندٸك بەرەدٸ. جالپى, قابىلدانىپ جاتقان شارالار مەملەكەت, قوعام جەنە ەكونوميكا مٷددەلەرٸنە ساي كەلەتٸن اشىق, پراگماتيكالىق ەرٸ جاۋاپتى كٶشٸ-قون ساياساتىن قالىپتاستىرۋعا باعىتتالعان.
