ٶڭٸر باسشىسى قۇلسارى تۇرعىندارىمەن كەزدەسٸپ, ولاردىڭ ۇسىنىس-تالاپتارىن تىڭداپ, سۋ تاسقىنىنان زارداپ شەككەندەرگە كەلتٸرٸلگەن زالالدى ٶتەۋ تەرتٸبٸن تٷسٸندٸردٸ, دەپ حابارلايدى تٶتەنشە جاعدايلار جٶنٸندەگٸ جەدەل شتاب.
وبلىس ەكٸمٸ سەرٸك شەپكەنوۆ اپاتتى تۇرعىن ٷيدٸ ٶتەۋ تۋرالى ۇسىنىستاردى تىڭداپ, مٷلكٸ اپاتتى دەپ تانىلعان زارداپ شەككەندەرگە ٶتەماقى نارىق قۇنى بويىنشا تٶلەنەتٸنٸن, قۇلسارى قالاسى بويىنشا زارداپ شەككەندەردٸڭ ارنايى نىسانالى شوتتارىنا شامامەن 200-240 مىڭ تەڭگە تٶلەنەتٸنٸن حابارلادى.
اتىراۋ وبلىسى ەكٸمٸنٸڭ ايتۋىنشا, سۋ تاسقىنى كەزٸندە زارداپ شەككەن قۇلسارى قالاسىنىڭ تۇرعىندارى اقشالاي ٶتەماقىلاردى نىسانالى ماقساتى بويىنشا - جاڭا تۇرعىن ٷي ساتىپ الۋعا, تۇرعىن ٷي سالۋعا نەمەسە جٶندەۋ-قالپىنا كەلتٸرۋ جۇمىستارىنا جۇمساۋعا تيٸس.
«قازٸر بٸرٸنشٸ كەزەكتە سۋ تاسقىنىنان زارداپ شەككەندەر باعالاۋ قورىتىندىسىمەن جەنە مٷلٸكتٸ تەحنيكالىق ساراپتاۋ قورىتىندىلارىمەن تانىسىپ, اقشالاي قاراجاتتى تٶلەۋگە ٶز كەلٸسٸمٸن بەرۋٸ تيٸس. تٶلەم ەكٸ اپتا ٸشٸندە جٷرگٸزٸلەدٸ», - دەدٸ سەرٸك شەپكەنوۆ جينالعاندارعا.
16 مامىر كٷنٸ جىلىوي اۋدانىندا 3613 وتباسى 100 اەك مٶلشەرٸندە بٸرجولعى تٶلەم الدى. تٶلەنگەن قاراجاتتىڭ جالپى سوماسى – 1 ملرد 387 ملن تەڭگە.
سونىمەن قاتار, كەلتٸرٸلگەن ماتەريالدىق زالال ٷشٸن ٶتەماقى تٶلەۋ ٷشٸن قۇجاتتار دايىندالادى. جىلجىمايتىن مٷلٸككە تەحنيكالىق تەكسەرۋ جەنە باعالاۋ جٷرگٸزٸلۋدە. قازٸر بارلىعى 2950 ٶتٸنٸش قابىلدانىپ, 2697 ٶتٸنٸش قاراۋعا جٸبەرٸلدٸ, 2624 ٷيگە باعالاۋ جەنە 2671 ٷيگە تەحنيكالىق تەكسەرۋ جٷرگٸزٸلدٸ. 756 اپاتتى ٷي انىقتالدى. 15 مامىردان باستاپ التى موبيلدٸ توپ قۇلسارىنىڭ 100-دەن استام تۇرعىنىنىڭ ٷيلەرٸنە بارىپ, سۋ تاسقىنىنان زارداپ شەككەن تۇرعىنداردىڭ مٷلكٸنە كەلتٸرٸلگەن زالالدى باعالاۋ جەنە تەحنيكالىق ساراپتاما قورىتىندىلارى بويىنشا تٷسٸندٸرۋ جۇمىستارىن جٷرگٸزدٸ.
15 مامىردا قۇلسارىندا جىلجىمايتىن مٷلٸكتٸ باعالاۋ جەنە تەحنيكالىق ساراپتاۋ قورىتىندىلارىن جارييالاۋ بويىنشا موبيلدٸ توپتاردىڭ جۇمىسى باستالدى. جىلىوي اۋدانىنىڭ 100-دەن استام تۇرعىنى باعالاۋ پاراقتارىن الدى. ەكٸ كٷن ٸشٸندە ولار اقشالاي ٶتەماقى الۋعا ٶتٸنٸش جازا الادى. بارلىق ٷيلەر بويىنشا باعالاۋ جۇمىستارىن 10 كٷن ٸشٸندە اياقتاۋ جوسپارلاندى
اتىراۋ وبلىسىنىڭ ەكٸمٸ سەرٸك شەپكەنوۆ قۇلسارى تۇرعىندارىمەن كەزدەستٸ
اتىراۋ وبلىسى ەكٸمٸنٸڭ باسپاسٶز قىزمەتٸ
