سالتانات نٷكەنوۆانىڭ اعاسى ايتبەك امانگەلدٸنٸڭ ادۆوكاتى دامير يشمامەتوۆ سۇحبات بەرٸپ, بيشٸمباەۆ ەيەلٸن نە ٷشٸن ٶلتٸرگەنٸن ايتتى, - دەپ حابارلايدى Dalanews.kz.
«قىلمىستىڭ ماقساتىنا قاتىستى ايتار بولساق, بۇل جاڭالىقتاردا دا ايتىلدى, سوت جارىسسٶزٸندە دە ايتتىق, قىلمىس سەبەبٸ – قىزعانىش. ونىڭ جاعدايىندا ٶزٸ ويدان قۇراستىرىپ العان قىزعانىش. ول بٸر نەرسەنٸ 20 مينۋتتا 175 رەت قايتالاعان. ەيەلٸ ەلٸمٸزگە بەلگٸلٸ كەسٸپكەرمەن كٶڭٸلدەس بولعان دەپ شىعارىپ العان. ياعني بٸر مينۋتتا بٸر سٶيلەمدٸ توعىز رەت ايتقان. سالتاناتتا ەر مينۋت سايىن جاڭا جاراقاتتار پايدا بولعان. ياعني كيٸمدەرٸن شەشٸپ, تٸزەرلەتٸپ وتىرعىزىپ, ۇرعان. قىلمىس جاساۋىنىڭ سەبەبٸ سول – قىزعانىش. كەيبٸر ۆيدەولاردا مارقۇمنىڭ جەكە ٶمٸرٸ كٶرسەتٸلگەندٸكتەن ولار كٶپكە جارييا بولمادى. قالعانىنىڭ بەرٸ كٶرسەتٸلدٸ», - دەيدٸ ادۆوكات امان تاسىعانعا بەرگەن سۇحباتىندا.
دامير يشمامەتوۆ قۋاندىق بيشٸمباەۆتىڭ باسقا ادامدارىمەن, سونىڭ ٸشٸندە, پسيحولوگىمەن سٶيلەسكەن حاتتارىنان ونىڭ نارتسيسس ەكەنٸن اڭعارۋعا بولاتىنىن ايتادى.
ايتا كەتەيٸك, بۇعان دەيٸن ەدٸلەت ۆيتسە-مينيسترٸ بوتاگٶز جاقسەلەكوۆا بيشٸمباەۆتىڭ مەرزٸمٸنەن بۇرىن بوستاندىققا شىعۋىنا قاتىستى سۇراققا جاۋاپ بەرگەن بولاتىن.
جاقسەلەكوۆانىڭ سٶزٸنشە, مەرزٸمٸنەن بۇرىن بوستاندىققا شىعۋ مەسەلەسٸ زاڭ بويىنشا رەگلامەنتتەلگەن.
"ول جاسالعان قىلمىستىڭ اۋىرلىعىنا بايلانىستى. جالپى بۇل مەسەلەنٸ سوت شەشەدٸ. قىلمىس جاساعانى ٷشٸن سوتتالعان ادام ٶتٸنٸشتٸ (حوداتايستۆو) تٷزەۋ مەكەمەسٸندە بەرە الادى", - دەدٸ بوتاگٶز جاقسەلەكوۆا سەنات كۋلۋارىندا.
مينيستردٸڭ ورىنباسارى قۋاندىق بيشٸمباەۆتىڭ ٸسٸ بويىنشا سوتتىڭ ٷكٸمٸ زاڭدى كٷشٸنە ەنبەگەنٸن اتاپ ٶتتٸ.
"(مەرزٸمٸنەن بۇرىن تٷرمەدەن شىعۋ) مٷمكٸندٸگٸ جازاسىن ٶتەپ جاتقان ادام وڭ سيپاتقا يە بولعاندا بەرٸلەدٸ. اسا اۋىر قىلمىس بويىنشا توقتالايىن. مۇندا ەڭ از مەرزٸم جازانىڭ ٷشتەن ەكٸسٸن كەشٸرۋگە بولادى. يە, مۇندا جەبٸرلەنۋشٸ تاراپتىڭ كەلٸسٸمٸ كەرەك. بٸرٸنشٸدەن, (مەرزٸمٸنەن بۇرىن تٷرمەدەن شىعارۋ) شەشٸمٸن سوت شىعارادى. ەكٸنشٸدەن, سوت ٷكٸمٸنٸڭ زاڭدى كٷشٸنەن ەنگەنٸن كٷتۋٸمٸز كەرەك", - دەدٸ ۆيتسە-مينيستر.
ەسكە سالايىق, 13 مامىردا اتىشۋلى بيشٸمباەۆ ٸسٸنە قاتىستى سوت ٷٸمٸ شىققان بولاتىن. ەيەلٸن ۇرىپ ٶلتٸردٸ دەگەن كٷدٸككە ٸلٸنگەن قۋاندىق بيشٸمباەۆ 24 جىلعا سوتتالسا, قىلمىستى جاسىرىپ قالدى دەگەن كٷدٸككە ٸلٸنگەن ٸنٸسٸ 4 جىلعا باس بوستاندىعىنان ايىرىلدى.
