ءانشى راحات تۇرلىحانوۆ ايەلىن ۇرعانى ءۇشىن پوليسياعا جەتكىزىلدى، دەپ حابارلايدى Dalanews.kz.
بۇل اقپاراتتى الماتىنىڭ پوليسيا دەپارتامەنتى راستادى.
الماتى قالاسىنىڭ مەدەۋ اۋدانىندا بولعان وتباسىلىق جانجال دەرەگى بويىنشا پوليسيا قىزمەتكەرلەرى تۇسكەن شاقىرتۋعا جەدەل بارىپ، وقيعاعا قاتىسۋشىلاردى ءمان-جايدى انىقتاۋ ءۇشىن اۋداندىق پوليسيا باسقارماسىنا جەتكىزدى.
تەكسەرۋ بارىسىندا ءانشىنىڭ ايەلى باستاپقىدا وزىنە فيزيكالىق كۇش قولدانىلعانىن ايتقان. الايدا كەيىننەن سوققىعا جىعۋ فاكتىسىن جوققا شىعارىپ، وتباسىلىق جانجال بويىنشا ارىز تۇسىرگەن.
قاراۋ قورىتىندىسى بويىنشا ەر ادامعا قاتىستى ق ر اقبتك-نىڭ 73-بابىنىڭ 1-بولىگى بويىنشا اكىمشىلىك حاتتاما تولتىرىلدى.
ەسكە سالايىق، راحات تۇرلىحانوۆتىڭ وتباسىندا بۇعان دەيىن دە وسى جايتقا ۇقساس جاعداي بولعان ەدى. 2024 جىلى قاڭتاردا الماتى قالالىق سوتىندا ءانشى راحات تۇرلىحانوۆتىڭ ءىسى بويىنشا سوت وتىرىسى جابىق رەجيمدە ءوتتى. تۇرلىحانوۆ 10 تاۋلىك مەرزىمگە اكىمشىلىك قاماۋعا الىنعان ەدى.
ايتا كەتەيىك، بۇعان دەيىن ءانشى راحات تۇرلىحانوۆقا قاتىستى ءىس سوتتا قارالىپ جاتقانى بەلگىلى بولدى. ارتىنشا ءانشى كىناسىن مويىنداپ، اكىمشىلىك ەسكەرتۋ تۇرىندە اكىمشىلىك جازاعا تارتىلعان بولاتىن.
كەيىن راحات تۇرلىحانوۆ پەن جۇبايى التىناي كەيىنگى جاعدايعا قاتىستى پىكىر ءبىلدىرىپ، "ءبارى جاقسى ەكەنىن" ايتقان.
