سالىق جٷكتەمەسٸ ارتقان جاعدايدا شاعىن بيزنەس ٶكٸلدەرٸ جارناماعا ارتىق قارجى جۇمساماي-اق كليەنت تارتۋدىڭ تيٸمدٸ جولدارىن ٸزدەي باستايدى. مەديا نارىعىندا دا سوعان بايلانىستى ماڭىزدى ٷردٸس بايقالادى. باق-تا جارييالانعان ماتەريالدار كەي جاعدايدا باسقا ماركەتينگ قۇرالدارىمەن سالىستىرعاندا ەلدەقايدا كٶپ اۋديتورييا تارتىپ, جوعارى ترافيك ەكەلۋٸ مٷمكٸن.
كەسٸپكەرلەردٸڭ باق-قا جارناماعا قارجى جۇمساماي-اق قالاي شىعۋىنا بولاتىنىن Qazaq Expert Club ۇيىمىنىڭ مەديا جەنە PR سالاسىنداعى ساراپشىسى ميرا حالينا تٷسٸندٸردٸ, دەپ حابارلايدى Dalanews.kz.
ونىڭ ايتۋىنشا, شاعىن بيزنەس ٷشٸن باق-پەن جۇمىس ٸستەۋ ماڭىزدى. ٶيتكەنٸ بٷگٸنگٸ كٷنٸ نارىق جارناماعا تولىپ كەتكەن, ال سەنٸم ەڭ تاپشى رەسۋرسقا اينالىپ وتىر.
«باق-تا جارييالانۋ تەك قامتۋدى ارتتىرىپ قانا قويماي, بيزنەسكە سەنٸمدٸلٸك بەرەدٸ. نەتيجەسٸندە كومپانييانى تەك كليەنتتەر عانا ەمەس, سەرٸكتەستەر, ينۆەستورلار, بانكتەر جەنە كەسٸبي قاۋىمداستىق ٶكٸلدەرٸ دە بايقاي باستايدى», – دەيدٸ حالينا.
ساراپشىنىڭ سٶزٸنشە, جارناما قىسقا مەرزٸمدە ترافيك پەن كونۆەرسييا ەكەلسە, مەديا كومپانييانىڭ بەدەلٸن قالىپتاستىرىپ, برەندتٸڭ تانىمالدىلىعىن ارتتىرادى جەنە ونىڭ ساراپشىلىق دەڭگەيٸن كٶرسەتەدٸ.
الايدا باق-پەن جۇمىس ٸستەۋ مۇقييات تەسٸلدٸ تالاپ ەتەدٸ. Cision زەرتتەۋٸنە سەيكەس, جۋرناليستەردٸڭ 86 پايىزى ٶزەكتٸلٸگٸ جوق ۇسىنىستاردى قابىلدامايدى. ال 78 پايىزى سپام ٷشٸن جٸبەرۋشٸلەردٸ بۇعاتتاۋعا دايىن. سونىمەن قاتار جۋرناليستەردٸڭ 62 پايىزى العاشقى حاتتان كەيٸن تەك بٸر عانا follow-up جٸبەرۋدٸ ورىندى دەپ سانايدى. ۇزاق حاتتار مەن ساپاسىز جاساندى ينتەللەكت مەتٸندەرٸ دە جارييالانۋ مٷمكٸندٸگٸن ايتارلىقتاي تٶمەندەتەدٸ.
ساراپشى جيٸ كەزدەسەتٸن قاتەلٸكتەردٸڭ بٸرٸ رەتٸندە بٸر مەتٸندٸ بارلىق باسىلىمعا بٸردەي جٸبەرۋدٸ اتادى.سەبەبٸ مەديا كٶبٸنە ەكسكليۋزيۆ ماتەريالدارعا باسىمدىق بەرەدٸ.
سونىمەن قاتار حالينا مەدياعا ٶز بيزنەسٸ تۋرالى عانا ايتۋعا تىرىسۋدى ەڭ ٷلكەن قاتە دەپ سانايدى.
«باق-تا تەگٸن جارييالاناتىن ماتەريالدار كٶبٸنە بيزنەس يەسٸ نارىق ساراپشىسى رەتٸندە سٶيلەپ, اۋديتوريياعا پايدالى اقپارات بەرگەن كەزدە پايدا بولادى. مىسالى, جەرگٸلٸكتٸ ترەندتەر, كليەنتتەردٸڭ مٸنەز-قۇلقىنداعى ٶزگەرٸستەر نەمەسە سالاداعى جاڭا تەجٸريبەلەر تۋرالى پٸكٸرلەر مەديا ٷشٸن قىزىقتى», – دەيدٸ ول.
ساراپشىنىڭ ايتۋىنشا, كەسٸپكەرلەر اقپاراتتىق سەبەپتەردٸ ٶزدەرٸ دە قالىپتاستىرا الادى. مەسەلەن, كليەنتتەر اراسىندا شاعىن زەرتتەۋ جٷرگٸزۋ, سالالىق ستاتيستيكا جيناۋ نەمەسە ماۋسىمدىق ترەندتەر تۋرالى پٸكٸر بٸلدٸرۋ.
مىسال رەتٸندە ول العاشقى جىلدارى جابىلۋ قاۋپٸندە تۇرعان قازاقستاندىق IT-كومپانييالاردىڭ بٸرٸن كەلتٸرەدٸ. كەيٸننەن بۇل كومپانييا ٶز سەگمەنتٸندەگٸ جەتەكشٸ ويىنشىلاردىڭ بٸرٸنە اينالعان. ونىڭ نەگٸزٸن قالاۋشى ٸسكەرلٸك مەدياعا IT نارىعىنىڭ دامۋى تۋرالى تۇراقتى تٷردە پٸكٸر بٸلدٸرٸپ وتىرعان. قازٸر كومپانييانىڭ شەشٸمدەرٸن قازاقستانداعى ورتا جەنە ٸرٸ بيزنەستٸڭ شامامەن 30 پايىزى قولدانادى.
وسىنداي تەسٸلدٸ ازىق-تٷلٸك جەتكٸزۋ قىزمەتتەرٸنٸڭ ٸرٸ سەرۆيستەرٸنٸڭ بٸرٸ دە پايدالانعان. كومپانييا مەديا جارييالانىمدارى ارقىلى لوگيستيكالىق تەحنولوگييالار مەن ەلەكتروندىق كوممەرتسييانىڭ دامۋى تۋرالى ايتىپ وتىرعان. بۇل جارييالىلىق برەندتٸڭ تانىمالدىعىن ارتتىرىپ, ينۆەستورلاردىڭ نازارىن اۋدارۋعا مٷمكٸندٸك بەرگەن.
بۇل رەتتە العاشقى نەتيجەلەر كەيدە ٶتە جىلدام بايقالۋى مٷمكٸن. كەيبٸر جاعدايلاردا ماتەريال جارييالانعان كٷنٸ نەمەسە كەلەسٸ كٷنٸ-اق العاشقى سۇرانىستار تٷسەدٸ.
«دەگەنمەن مەديانىڭ كەيٸنگە قالدىرىلعان ەسەرٸ دە بار. جارييالانعان ماقالا ٸزدەۋ جٷيەلەرٸ, قايتا جارييالانىمدار جەنە جاڭا كليەنتتەرمەن كەلٸسسٶزدەر ارقىلى بٸرنەشە اپتا, اي, تٸپتٸ جىلدار بويى جۇمىس ٸستەي بەرەدٸ. ەسٸرەسە ماتەريال ٸزدەۋ جٷيەلەرٸنە دۇرىس وڭتايلاندىرىلعان بولسا», – دەيدٸ حالينا.
ساراپشىنىڭ ايتۋىنشا, سەنٸم جارييالانىمداردىڭ كٶپتٸگٸمەن ەمەس, جٷيەلٸلٸك ارقىلى قالىپتاسادى. ياعني رەلەۆانتتى مەديادا بٸرٸنەن كەيٸن بٸرٸ شىققان بٸرنەشە ماتەريال ٸرٸ باسىلىمداعى بٸر رەتتٸك جارييالانىمنان ەلدەقايدا تيٸمدٸ بولۋى مٷمكٸن.
سوندىقتان بيزنەس ٷشٸن باق-پەن جۇمىس بٸر رەتتٸك PR-ناۋقان ەمەس, نارىقتا ۇزاق مەرزٸمدٸ سەنٸم مەن بەدەل قالىپتاستىرۋ ستراتەگيياسىنا اينالۋى تيٸس.
