استانا قالاسى پوليتسييا دەپارتامەنتٸنە قاراستى ەسٸل اۋدانى پوليتسييا باسقارماسى قىزمەتكەرلەرٸ اراسىنداعى جانجالعا قاتىستى سوت ٷكٸمٸ شىقتى. بۇل تۋرالى جۋرناليست ميحايل كوزاچكوۆ مەلٸمدەدٸ, دەپ حابارلايدى Dalanews.kz.
سوت ماتەريالدارىنا سەيكەس, 32 جاستاعى ەلي ەبەتاەۆ بۇرىن ۋچاسكەلٸك ينسپەكتور بولىپ قىزمەت اتقارعان. كەيٸن ول ەسٸل اۋدانى پوليتسييا باسقارماسىنىڭ جەرگٸلٸكتٸ پوليتسييا قىزمەتٸ بٶلٸمٸندە باستىقتىڭ ورىنباسارى لاۋازىمىنا تاعايىندالعان.
وقيعا بىلتىر ماۋسىم ايىندا بولعان. سول كٷنٸ ەبەتاەۆ پوليتسييا بٶلٸمٸندە كەزەكشٸ بولىپ قىزمەت اتقارعان. ال ونىڭ تٸكەلەي باسشىسى سەكەن نوعاەۆ ۋچاسكەلٸك ينسپەكتورلارمەن بٸرگە قالاداعى مەيرامحانالاردى تەكسەرۋ رەيدٸنە شىققان.
"تەكسەرۋ بارىسىندا پوليتسەيلەر "تانۋكي" مەيرامحاناسىندا كەلۋشٸلەرگە كاليان ۇسىنىلعانىن انىقتاعان. سەكەن نوعاەۆ كەيٸنٸرەك تٷسٸنٸكتەمەسٸندە قىزمەتكەرلەر ەكٸمشٸلٸك حاتتاما تولتىرىپ جاتقان كەزدە ەبەتاەۆ پەن ولاردىڭ ورتاق باسشىسى ايدوس مومبيەۆ تەلەفون ارقىلى حابارلاسىپ, مەيرامحانادان كەتۋدٸ تالاپ ەتكەنٸن ايتقان. دەگەنمەن سول سەتتە پوليتسەيلەر زاڭبۇزۋشىلىق بويىنشا ايىپپۇل رەسٸمدەپ ٷلگەرگەن", - دەيدٸ جۋرناليست.
كوزاچكوۆتىڭ مەلٸمەتٸنشە, كەيٸن نوعاەۆ "Berezka" مەيرامحاناسىنا بارعان. الايدا ونىڭ قاراماعىنداعى قىزمەتكەرلەر ايدوس مومبيەۆتٸڭ اشۋىنا قالامىز دەپ قورقىپ, ٸشكە كٸرۋدەن باس تارتقان. سول كەزدە ەبەتاەۆ نوعاەۆقا بٸرنەشە رەت قوڭىراۋ شالعانىمەن, نوعاەۆ تەلەفون اقاۋىنا بايلانىستى جاۋاپ بەرە الماعان.
"كەيٸن ەبەتاەۆ ەرٸپتەستەرٸ ارقىلى نوعاەۆپەن بايلانىسىپ, ونى "Meat&Bear" مەيرامحاناسىنىڭ جانىنا كەلۋگە شاقىرعان. كەزدەسۋ بارىسىندا ەبەتاەۆ نوعاەۆتان نەگە قوڭىراۋلارعا جاۋاپ بەرمەگەنٸن سۇراي باستاعان. سٶز اراسىندا جانجال تۋىنداپ, باستىقتىڭ ورىنباسارى ٶز جەتەكشٸسٸنە قول كٶتەرٸپ, ونى ۇرىپ-سوققان. تٸپتٸ تۇنشىقتىرۋ ەدٸسٸن قولدانعانى ايتىلدى. وسىدان كەيٸن سەكەن نوعاەۆ مەديتسينالىق كٶمەككە جٷگٸنٸپ, پوليتسيياعا ارىز تٷسٸرگەن", - دەيدٸ ول.
تەرگەۋ بارىسىندا وقيعاعا قاتىسى بار بارلىق تۇلعا, سونىڭ ٸشٸندە ايدوس مومبيەۆ تە جاۋاپ بەرگەن. ول تەرگەۋ كەزٸندە ەشقانداي زاڭسىز بۇيرىق بەرمەگەنٸن, مەيرامحانالاردى "قورعاشتاۋ" تۋرالى ەڭگٸمە شىندىققا جاناسپايتىنىن ايتقان. ونىڭ سٶزٸنشە, نوعاەۆتان تەك قىزمەتتٸك ەسەپتٸ ورتاق چاتقا جٸبەرمەگەنٸ ٷشٸن حابارلاسقان.
باستاپقىدا ەلي ەبەتاەۆقا قىزمەتتٸك ٶكٸلەتتٸگٸن اسىرا پايدالاندى دەگەن ايىپ تاعىلعان. الايدا سوتتا پروكۋراتۋرا ايىپتىڭ بٸلٸكتٸلٸگٸن ٶزگەرتٸپ, جەڭٸل دەنە جاراقاتىن كەلتٸرۋ بابى بويىنشا قاراۋدى سۇراعان. سوت بۇل ۇسىنىسپەن كەلٸسٸپ, بۇرىنعى پوليتسييا كاپيتانىن بٸر جىل مەرزٸمگە بوستاندىعىن شەكتەۋ جازاسىنا كەستٸ.
ايتا كەتەيٸك, سوت ٷكٸمٸ ەلٸ زاڭدى كٷشٸنە ەنگەن جوق.
