يران بيلٸگٸ رەسەي مەن ٶزگە دە دوستاس مەملەكەتتەردەن گۋمانيتارلىق كٶمەك سۇرادى. بۇل تۋرالى رەسەي سىرتقى ٸستەر مينيسترلٸگٸنٸڭ رەسمي ٶكٸلٸ مارييا زاحاروۆا بريفينگ بارىسىندا مەلٸمدەدٸ, دەپ حابارلايدى Dalanews.kz.
ونىڭ ايتۋىنشا, ەلدەگٸ كٶپتەگەن اۋرۋحانا مەن جەدەل جەردەم قىزمەتٸنٸڭ عيماراتتارى زاقىمدانعان. سونىڭ سالدارىنان جارالانعاندار سانى كٷرت كٶبەيگەن. ولاردىڭ اراسىندا ەيەلدەر مەن بالالار دا بار. وسى جاعدايعا بايلانىستى يران بيلٸگٸ دوستاس ەلدەردەن دەرٸ-دەرمەك پەن مەديتسينالىق كٶمەك جٸبەرۋدٸ ٶتٸنگەن.
ۆلاديمير پۋتيننٸڭ تاپسىرماسىمەن رەسەي يران حالقىنا گۋمانيتارلىق كٶمەك جٶنەلتۋدٸ ۇيىمداستىردى.
12 ناۋرىز كٷنٸ رەسەي تٶتەنشە جاعدايلار مينيسترلٸگٸ يرانعا 13 توننادان استام دەرٸ-دەرمەك جٸبەرٸلەتٸنٸن حابارلادى. گۋمانيتارلىق جٷك ەسكەري-كٶلٸك اۆياتسيياسىنىڭ يل-76 ۇشاعىمەن الدىمەن ەزەربايجانعا جەتكٸزٸلٸپ, كەيٸن يران تاراپىنا تابىستالادى.
ەسكە سالا كەتەيٸك, 28 اقپاندا اقش پەن يزرايل يرانعا قارسى ەسكەري وپەراتسييا باستاعان ەدٸ. بۇعان جاۋاپ رەتٸندە يران تاياۋ شىعىستا ورنالاسقان امەريكالىق ەسكەري بازالار مەن مۇناي تاسىمالدايتىن تانكەرلەرگە سوققى جاساپ كەلەدٸ.
يران دەنساۋلىق ساقتاۋ مينيسترلٸگٸنٸڭ دەرەگٸنە سەيكەس, 8 ناۋرىزداعى جاعداي بويىنشا ەسكەري قاقتىعىستار باستالعالى بەرٸ 1200-دەن استام بەيبٸت تۇرعىن قازا تاپقان.
