Iran biligi Resei men ózge de dostas memleketterden gýmanitarlyq kómek surady. Bul týraly Resei Syrtqy ister ministrliginiń resmi ókili Mariia Zaharova brifing barysynda málimdedi, dep habarlaidy Dalanews.kz.
Onyń aitýynsha, eldegi kóptegen aýrýhana men jedel járdem qyzmetiniń ǵimarattary zaqymdanǵan. Sonyń saldarynan jaralanǵandar sany kúrt kóbeigen. Olardyń arasynda áielder men balalar da bar. Osy jaǵdaiǵa bailanysty Iran biligi dostas elderden dári-dármek pen meditsinalyq kómek jiberýdi ótingen.
Vladimir Pýtinniń tapsyrmasymen Resei Iran halqyna gýmanitarlyq kómek jóneltýdi uiymdastyrdy.
12 naýryz kúni Resei Tótenshe jaǵdailar ministrligi Iranǵa 13 tonnadan astam dári-dármek jiberiletinin habarlady. Gýmanitarlyq júk áskeri-kólik aviatsiiasynyń Il-76 ushaǵymen aldymen Ázerbaijanǵa jetkizilip, keiin Iran tarapyna tabystalady.
Eske sala keteiik, 28 aqpanda AQSh pen Izrail Iranǵa qarsy áskeri operatsiia bastaǵan edi. Buǵan jaýap retinde Iran Taiaý Shyǵysta ornalasqan amerikalyq áskeri bazalar men munai tasymaldaityn tankerlerge soqqy jasap keledi.
Iran Densaýlyq saqtaý ministrliginiń deregine sáikes, 8 naýryzdaǵy jaǵdai boiynsha áskeri qaqtyǵystar bastalǵaly beri 1200-den astam beibit turǵyn qaza tapqan.
