سىرتقى ٸستەر مينيسترٸ ەرمەك كٶشەرباەۆ قازاقستاندىقتاردىڭ تاياۋ شىعىس ەلدەرٸنە ساپارلاۋىنا قاتىستى پٸكٸر بٸلدٸردٸ, دەپ حابارلايدى Dalanews.kz.
مينيستردٸڭ ايتۋىنشا, ٶڭٸردەگٸ جاعدايدىڭ كٷردەلەنۋٸنە بايلانىستى ول جاققا باراتىن ازاماتتاردىڭ سانى بٸرشاما ازايعان. سوعان قاراماستان, كەيبٸر قازاقستاندىقتار قاۋٸپ-قاتەرگە قاراماي, بۇل ەلدەرگە بارۋدى جالعاستىرىپ جاتىر.
"بٸزدٸڭ ازاماتتار باتىل حالىق قوي. ولاردى وڭايلىقپەن بٸر نەرسەمەن قورقىتا المايسىڭ. ەرينە, تۋريستەر لەگٸ ازايىپ كەلەدٸ. بٸرەۋلەر قوناقٷيلەردٸڭ باعاسى ارزانداعاندىقتان بارۋى مٷمكٸن, ەندٸ بٸرەۋلەر تاعدىرعا سەنەتٸن ادامدار شىعار. ەركٸمنٸڭ ٶز سەبەبٸ بار. مەن بارلىعى ٷشٸن جاۋاپ بەرە المايمىن", – دەدٸ مينيستر.
سونىمەن قاتار مينيستر كەيدە تانىستارى حابارلاسىپ, تاياۋ شىعىس ەلدەرٸندە جٷرگەن تۋىستارىن ەلگە قايتارۋعا كٶمەكتەسۋدٸ سۇرايتىنىن ايتتى. مۇنداي جاعدايدا ول ازاماتتارعا قازاقستاننىڭ سول ەلدەردەگٸ ەلشٸلٸكتەرٸ مەن كونسۋلدىقتارىنا تٸكەلەي جٷگٸنۋگە كەڭەس بەرەتٸنٸن جەتكٸزدٸ. ونىڭ سٶزٸنشە, مۇنداي مەسەلەلەرمەن دەل وسى ديپلوماتييالىق ٶكٸلدٸكتەر اينالىسادى.
