Syrtqy ister ministri Ermek Kósherbaev qazaqstandyqtardyń Taiaý Shyǵys elderine saparlaýyna qatysty pikir bildirdi, dep habarlaidy Dalanews.kz.
Ministrdiń aitýynsha, óńirdegi jaǵdaidyń kúrdelenýine bailanysty ol jaqqa baratyn azamattardyń sany birshama azaiǵan. Soǵan qaramastan, keibir qazaqstandyqtar qaýip-qaterge qaramai, bul elderge barýdy jalǵastyryp jatyr.
"Bizdiń azamattar batyl halyq qoi. Olardy ońailyqpen bir nársemen qorqyta almaisyń. Árine, týrister legi azaiyp keledi. Bireýler qonaqúilerdiń baǵasy arzandaǵandyqtan barýy múmkin, endi bireýler taǵdyrǵa senetin adamdar shyǵar. Árkimniń óz sebebi bar. Men barlyǵy úshin jaýap bere almaimyn", – dedi ministr.
Sonymen qatar ministr keide tanystary habarlasyp, Taiaý Shyǵys elderinde júrgen týystaryn elge qaitarýǵa kómektesýdi suraitynyn aitty. Mundai jaǵdaida ol azamattarǵa Qazaqstannyń sol elderdegi elshilikteri men konsýldyqtaryna tikelei júginýge keńes beretinin jetkizdi. Onyń sózinshe, mundai máselelermen dál osy diplomatiialyq ókildikter ainalysady.
