اقش پرەزيدەنتى دونالد ترامپ يرانداعى ەڭ ماڭىزدى مۇناي ساقتاۋ نىساندارىنىڭ ءبىرى سانالاتىن حارك ارالىنداعى مۇناي قويماسىن باسىپ الۋ مۇمكىندىگىن قاراستىرىپ جاتىر، دەپ حابارلايدى Dalanews.kz.
بۇل تۋرالى اقپاراتتانعان دەرەككوزدەرگە سىلتەمە جاساعان Axios باسىلىمى حابارلادى.
باسىلىم دەرەككوزدەرىنىڭ ءبىرىنىڭ ايتۋىنشا، ترامپ ازىرگە حارك ارالىنا قاتىستى ناقتى شەشىم قابىلداماعان. الايدا ورمۋز بۇعازىن اشۋ ارەكەتتەرى ۇزاققا سوزىلاتىن بولسا، بۇل ۇستانىم وزگەرۋى مۇمكىن.
«پرەزيدەنت كۇتپەيدى جانە يراندىقتاردىڭ قاقتىعىستىڭ باعىتىن وزدەرى ايقىنداۋىنا جول بەرمەيدى»، - دەدى دەرەككوزدەردىڭ ءبىرى.
پورتالدىڭ تاعى ءبىر سۇحباتتاسى ترامپتى حارك ارالىن تىكەلەي باسىپ الۋ يدەياسى قىزىقتىراتىنىن ايتتى. ونىڭ پىكىرىنشە، مۇنداي قادام يران بيلىگىنە ەكونوميكالىق تۇرعىدان اۋىر سوققى بولار ەدى، ويتكەنى تەگەران ماڭىزدى قارجىلاندىرۋ كوزىنەن ايىرىلۋى مۇمكىن.
